Abarquez naka-double championship sa Cebuana Lhuillier Tennis
CEBU, Philippines - Ang Sugbuanang si Elizabeth Abarquez miiskor og double-championship aron mangulo sa tanang mananaog sa 11th Cebuana Lhuillier Age-group Tennis Circuit kagahapon didto sa CitiGreen Tennis Resort sa Barangay Punta Princesa, siyudad sa Sugbo.
Si Abarquez nanghari sa girls 16 division human sa iyang dominante nga kadaugan, 6-3, 6-3 batok ni Carlyn Bless Guarde sa Sultan Kudarat. Naangkon ni Abarquez ang ikatulong titulo uban ni Shynne Villareal sa doubles dihang ilang gipilde ang tandem nila ni Ghylana Yu ug Pherl Bless Coderos, 8-4.
Nangambisyon si Abarquez pagdaog sa ikatulo niyang korona, apan pakyas siya dihang naluya na siya ug napilde ngadto ni Guarde sa girls 18 sa iskor nga 7-6. 6-3.
Laing mga Cebuano netters nga misakmit og kampiyonato mao sila si Tiffany Nocos ug Chad Connor Cuizon. Si Nocos midaog sa girls 12 batok ni Corazon Lambonao, 6-0, 6-3, samtang gisirohan ni Cuizon si Bryzen Sanchez, 4-0, 4-0 sa unisex-10 under.
Si Vince Tugade maoy hari sa boys 16 batok ni Marc Nicolse Suson, 7-6, 7-6, 7-6, 6-1, samtang ang multi-titled nga si Jose Maria Pague sa Zamboanga City mipilde ni Tugade sa ikaduha niyang korona human niya kini gilupig,6-4, 6-3 sa boys 18 finals.
Si Rupert Tortal maoy midominar sa boys 14 human batok ni Brent Cortes, 6-1, 3-6, 10-4. (BANAT NEWS)
- Latest