Impresibo ang debut ni Belo
MANILA, Philippines – Sa likod ni Gilas Pilipinas standout Mac Belo ay naitala ng Blackwater ang kanilang kauna-unahang best start sa PBA.
Kumolekta ang 6-foot-5 na si Belo ng 17 points mula sa 7-of-9 fieldgoal shooting bukod pa sa 9 rebounds para sa 94-87 panalo ng Elite laban sa Phoenix Fuel Masters sa 2016-20-17 PBA Philippine Cup kagabi sa Smart Araneta Coliseum.
“Best start for Blackwater. Our best start in any conference,” sabi ni head coach Leo Isaac. “It’s a new season for us and as what I’ve said we have some new players, players that we really wanted in our lineup. we have renewed energy and renewed hope.”
Nag-ambag si Arthur Dela Cruz ng 12 markers, 10 boards at 4 assists, habang may 11 points si Denok Miranda para sa 1-0 record ng Elite, sinamahan ang nagdedepensang San Miguel Beermen, umiskor ng 96-88 panalo laban sa Star Hotshots noong Linggo, sa itaas ng team standings.
Mula sa 75-84 agwat sa Blackwater ay nakabangon ang Phoenix sa 83-87 agwat mula sa magkasunod na three-point shot ni Simon Enciso, nahugot mula sa NLEX sa nakaraang season, sa dulo ng fourth quarter.
Ang mga freethroqws naman nina Miranda Belo, Dela Cruz at John Pinto ang tuluyan nang sumelyo sa panalo ng Elite sa kanilang 94-85 abante sa huling 28 segundo.
Blackwater 94 - Belo 17, Dela Cruz 12, Miranda 11, Ababou 9, Buenafe 8, Pinto 8, Forrester 7, Pascual 7, Sena 6, Aguilar 4, Banal 3, Cervantes 2.
Phoenix 87 - Enciso 25, Intal 12, Alolino 11, Wilson W. 10, Borboran 6, Caperal 6, Wilson J. 5, Baguio 4, Lanete 4, Torres 4, Hayes 0, Miranda 0, Javillonar 0.
Quarterscores: 27-23; 45-43; 71-69; 94-87.
- Latest
