Philippine Cup title damgo ni Hontiveros

CEBU, Philippines - Gitug-an ni Cebuano veteran shooter Dondon Hontiveros nga damgo gyud niya nga makatilaw og Philippine Cup title sa dili pa siya moretiro sa PBA.

Si Hontiveros nakatilaw na og PBA Championships, apan wala pa siya nalakip sa usa ka Philippine Cup title champion."Mahirap sabihin pero yan ang goal talaga. I played four times sa All-Filipino (finals), hopefully this time pagbigyan talaga," matud pa ni Hontiveros sa Spin.ph.

Giklaro hinuon ni Hontiveros nga ang Alaska Aces na ang mahimong katapusan team niya sa PBA ug nanghinaut siya nga mokampiyon sila sa All-Filipino Cup."We'll just try to get better every single game and hopefully pagdating ng playoffs, kami yung cohesive na team."

Ang 39-anyos nga si Hontiveros nag-ampo nga maputol na sa Aces ang tulo ka tuig niining title drought sa dili pa siya mobiya sa liga. (BANAT NEWS)