NY Knicks pinulutan ang Bulls
CHICAGO - Umiskor si Kristaps Porzingis ng 27 points kasunod ang 25 markers ni Carmelo Anthony para pamunuan ang New York Knicks sa 117-104 paggiba sa Bulls at tapusin ang kanilang two-game losing skid.
Nagdagdag si dating Bulls’ star Derrick Rose, ang first-round draft pick ng Chicago noong 2008, ng 15 points at 11 assists, habang humakot si center Joakim Noah, ang 2007 first-rounder, ng 16 points at 9 rebounds.
Nagtala si Dwyane Wade ng 35 points mula sa 12-for-20 shooting kasunod ang 26 markers ni Jimmy Butler para sa Bulls.
Sa Los Angeles, humugot si Lou Williams ng 10 sa kanyang 20 points sa third period at winakasan ng Los Angeles Lakers ang NBA-record streak ni Stephen Curry na 157 games na may 3-pointer mula sa kanilang 117-97 panalo laban sa Golden State Warriors.
Naglista rin si Julius Randle ng 20 points.
- Latest