Puwedeng bumagsak sa fourth o fifth round Vargas may paglalagyan kay Pacquiao -- Roach
LAS VEGAS – Kapag sumobra ang pagiging agresibo ni Jessie Vargas ay malamang na matapos ang laban nila ni Manny Pacquiao sa loob ng limang rounds.
Ito ang babala ni trainer Freddie Roach sa panayam sa kanya ng mga miyembro ng media sa press room sa Wynn Hotel.
Tinanong si Roach kung paano niya ilalarawan si Vargas, idedepensa ang suot na WBO welterweight crown laban kay Pacquiao bukas (Manila time) sa Thomas & Mack Center.
Ayon kay Roach, si Vargas ang tipo ng boksingero na gustung-gustong makipagsabayan at walang inuurungan.
Sinabi ng Hall of Fame trainer na ito ang magiging pinakamalaking pagkakamali ni Vargas.
“Pretty much he likes to come forward and he likes to fight and he likes to exchange, and Manny is the same and he likes that. It should be a really, really good fight,” sabi ng boxing guru.
“But I think if he (Vargas) becomes too aggressive he might get knocked out maybe early like four or five rounds. Manny will knock him out I think,” dagdag pa nito.
Ito ang unang pagkakataon na nagbigay si Roach ng numero kung kailan mapapatumba ni Pacquiao ang kanyang kalaban.
Hindi niya kinumpirma kamakalawa ang nauna niyang pahayag na hindi aabot ng 12 rounds ang WBO welterweight title fight nina Pacquiao at Vargas.
“I never said it’s gonna be a short fight,” wika ni Roach.
Ngunit dalawang araw bago ang laban at sa bisperas ng official weigh-in ay tiniyak ni Roach na maaagaw ni Pacquiao ang WBO crown ni Vargas.
Ngayon ay inaasahan niyang mapapatumba ni Pacquiao si Vargas sa loob ng limang rounds.
Ilang lamesa lamang ang layo ng chief trainer ni Vargas na si dating kick-boxer Dewey Cooper at ipinaalam sa kanya ang prediksyon ni Roach.
“I think it’s a bold prediction and I don’t think it will happen. If anyone’s gonna get knocked out it will be Manny,” wika ni Cooper.
“What round?” tanong ni Cooper.
“I don’t want to predict rounds. All I can predict is that we will be victorious. I don’t want to have false expectations but we will be victorious,” ani Cooper. “Emotions are getting the better of Freddie.”
Matapang na sinabi ng 27-anyos na si Vargas kamakailan na kaya niyang patulugin si Pacquiao sa pamamagitan ng isang suntok.
Sa mga naunang laban ni Pacquiao ay sinasabi ni Roach kung anong round mapapabagsak ng kanyang alaga ang kalaban.
Ngunit sa nakaraang pitong taon ay hindi ito nangyayari.
Huling nagtala si Pacquiao ng KO victory noong Nobyembre ng 2009 matapos pasukuin si Miguel Cotto sa 12th round.
Matapos ito ay nabigo na si Pacquiao makaiskor ng KO win kontra kina Joshua Clottey, Shane Mosley, Brandon Rios, Chris Algieri at Timothy Bradley, Jr.
“This is the best camp I’ve seen him settle into this weight class. I’ve never seen him better than this training camp. Between the Philippines and here it’s been one of the best camp,” ani Roach.
- Latest
