PBA Rookie Draft himuon karong gabii sa Robinsons Galleria

CEBU, Philippines - Makita na ang mga bag-ong nawong sa mga batan-ong players nga mopakita sa ilang abilidad sa PBA, ang labing sikat nga liga sa nasud.

Ang mga PBA teams manguha na og mga masaarong players nga ilang gilauman nga mahimong kaugmaon sa tagsa-tagsa nila ka mga franchise sa 2016 PBA Rookie Draft karong gabii didto sa Robinsons Galleria.

Lahi sa mga miaging edisyon sa rookie draft, nabahin ang tinuig nga event human sa pagsulod sa Gilas Pilipinas cadets. Hinuon inay nga ipaagi og draft, nahukman sa liga nga iapud-apod na lang ang 12 ka players sa tanang koponan sa liga.

Si Mac Belo una nang gipahibalo nga mapunta sa Blackwater Elite, sundan nila ni Fil-American Matthew Write sa Phoenix Fuel, Kevin Ferrer sa Star Hotshots, Jio Jalalon sa Barangay Ginebra, Arnold Van Optsal sa San Miguel Beermen, Mike Tolomia sa Rain or Shine Elasto Painters, Roger Pogoy sa Meralco Bolts, Ed Daquioag sa NLEX Road Warriors.  Ang tibuok resulta sa mga Gilas cadet   kun asa sila mapunta masayran karon.

Sa regular draft, milutaw ang pangalan ni Ael Banal isip No. 1 pick. Sunod nga mopili og rookie ang Phoenix, Ginebra, Mahindra, Star, San Miguel, Meralco, NLEX, Rain or Shine, Ginebra, Alaska ug Phoenix. (BANAT NEWS)