Donaire tinapik ang Cuban trainer
MANILA, Philippines - Sa kanyang pagdedepensa ng suot na World Boxing Organization welterweight title ay kinuha ni five-division world champion Nonito ‘The Filipino Flash’ Donaire Jr. si Cuban Ismael Salas bilang bagong trainer.
Dati nang hinawakan ni Salas si challenger Jessie Magdaleno.
Ngunit ayon kay Donaire, hindi ito makakasagabal sa kanyang pagtatanggol ng WBO crown laban kay Magdaleno sa Nobyembre 6 (Manila time) sa Thomas & Mack Center sa Las Vegas, Nevada.
“I know Ismael Salas trained Jessie Magdaleno, but really we do not focus on that. I’m at an incredible level. Ismael has brought out the best of me. I’m more focused on what I’m doing when I’m with,” sabi ni Donaire sa panayam ng ESPN Deportes.
Sinasabing ang 33-anyos na si Donaire, nagkampeon sa flyweight, super flyweight, bantamweight, super bantamweight at featherweight divisions, ang susunod sa yapak ni Filipino world eight-division champion Manny Pacquiao.
“I’m a warrior and I want the big fights. Expect me in big fights at 126 pounds,” wika ni Donaire.
Hinirang si Donaire bilang Fighter of the Year matapos talunin sina dating world champions Israel Vazquez Jr., Jeffrey Mathebula, Toshiaki Nishioka at Jorge Arce.
Ang title defense ni Donaire (37-3-0, 24 KOs) laban kay Magdaleno (23-0-0, 17 KOs) ay nasa undercard ng upakan nina Pacquiao at Jessie Vargas.
Ito ang unang pagkakataon na nagsama sa isang boxing card sina Donaire at Pacquiao, nagretiro noong Abril matapos talunin si Timothy Bradley Jr. via unanimous decision sa kanilang ikatlong pagtutuos.
- Latest
