Oncita pinisak si Bernardo sumalo sa itaas
MANILA, Philippines – Ginulat ni Philip Oncita ng San Beda ang paboritong si Dale Bernardo sa fourth round para maiguhit ang four-way tie sa liderato ng junioirs division sa NCR leg ng 24th Shell National Youth Active Chess Championships sa SM Megamall Event Center sa Mandaluyong.
Nauna nang pinadapa ng 13th-ranked na si Oncita sina Charles Lim, John Pascual at Phileo Pagala sa unang tatlong rounds bago talunin ang top-seeded na si Bernardo ng FEU sa fourth round.
Isinunod niya si Noel Geronimo sa fifth rounds para mapanatiling walang talo sa 9-round Swiss system tournament na siyang panimula ng five-leg nationwide elims ng taunang chess circuit na itinataguyod ng Pilipinas Shell.
Nakasosyo ni Oncita sa liderato sina second seed Julius Gonzales ng La Salle-Greenhills, No. 7 Jester Sistoza ng Gen. Pio del Pilar at No. 14 Jamaica Marie Lagrio ng UE kasunod ang pumapangalawang si Alexis Suede ng RMCHS kasama ang 18 iba pa.
Tinalo ni Gonzales sina Lionel Padulaga, Philip De Leon, Mae Samarita, Khalil Kis-ing at Melito Ocsan, habang binigo ni Sistoza sina Alekhine Refuerzo, Darlyn Villanueva, Erick Valdez, Daniel Lopez at Francis Parro sa girls’ 13-16 class.
Dinaig naman ni Lagrioset sina Joy Ballobar, Gabriel Chua, Christian Hernandez, Rilloraza at Lee Palma.
Samantala, pinamunuan nina Melanie Bularan, ang Social Performance at Social Investment manager ng Pilipinas Shell Petroleum Corp., at GM-elect Ronald Dableo, isang Shell Active Chess alumnus, ang ceremonial moves para sa pagsisimula ng annual five-leg circuit na tatapusin sa National Finals sa Oktubre.
- Latest