Inayawan naka-gold

CEBU, Philippines -  Mikabkab og tulo ka bulawang medalya ang Team Inayawan sa labing uwahing edisyon  sa  Cebu City Sports Commission weekly dancesport competition sa miaging adlaw didto sa Labangon Sports Complex.

Ang tandem nila ni Alcher Zafra ug Jielle Cahutay mitunol sa labing unang bulawan alang sa Inayawan human sila nidominar sa junior 3-dance open routine class, samtang sila si Ruden Estillore ug Rendie Fabio midaog sa college/youth closed event.

Si Fabio nakalabni og laing bulawan sa open routine event uban ni Kenneth Sordilla.

Sa laing bahin, ang Tisa nidaog og duha ka bulawan  sa latin event sa kortesiya sa father and daughter tandem nila ni  Ramil ug Raquel Luang sa parent-child category.

Ang City Central School misakmit og  gold ug silver sa juvenile competition.  Sila si  Ian Henry Tapere ug Luiza Daniel Matsumusumura mihatag og bulawan sa City Central School, samtang sila si Hanslyn Petalcurin ug Charles Marion ang mitunol og silver medal.

Ang CCSC weekly dancesport gilangkuban og pito ka legs, ang grand finals himuon sa Hulyo 31 diha sa  Robinsons Galleria Cebu.  (BANAT PALARO)