Wellas fresh chicken, MJ inside edge midaog dayon sa Bond of Masters
CEBU, Philippines - Daog maoy misugat sa Wellas Fresh Chicken ug MJ Inside Edge nga parehong mikulit og 10 puntos nga kadaugan batok sa tagsa-tagsa nilang kaatbang sa pagsugod sa third conference sa Bond of Masters basketball tournament niadtong Sabado didto sa Alta Vista gym sa Pardo, siyudad sa Sugbo.
Ang Wellas Fresh Chicken mipukan sa Stickerworld sa iskor nga 91-81, samtang ang MJ Inside Edge midismantol sa Horizon Autoparts, 66-56.
Si JC Alforque maoy nangu sa balanseng opensa sa Wellas Fresh Chicken pinaagi sa iyang 19 puntos. Laing upat niya ka teammates ang miiskor sab og double digits sa maong kadaugan.
Gipangulohan sab ni Glen Gocela ang napildeng Stickerworld nga milangkat og 28 puntos, apan nausik lang ang iyang iskor kay wala kini makatabang sa pagpadaog sa iyang koponan.
Sa laing bahin, si Panot Villamor mikadlit og 16 puntos aron pangulohan ang MJ Inside Edge.
Ang liga namugna pinaagi sa paningkamot ni El Presidente Junjun ‘Master’ Tan. (BANAT PALARO)
- Latest