'Bunal ug Kusog' badminton sa MetroSports sa enero 9-10
CEBU, Philippines – Gawas sa lumba sa dagan ug football, lain pang kalikuhan sa paugnat sa kusog ang mopuno og kasadya sa Sinulog gumikan sa pagpahigayon sa 'Bunal ug Kusog Cup' badminton tournament karong Enero 9-10 diha sa MetroSports sa Salinas Drive sa Lahug, Cebu City.
Giorganisa sa White Feathers Badminton Club inabagan sa MetroSports Badminton Center, ang duha ka adlaw nga torneyo naglangkob og kategoriya alang sa mga hingkod ug age-groupers.
Ang main division dunay open, kombinasyon sa level C ug D, level E, F ug G sa men’s ug ingon man ladies ug mixed doubles. Mga age-groups nga banatan mao ang boys ug girls 11-under, 13-under, 15-under ug 17-under ug ang mixed class.
Ang rehistrasyon nagkantidad og P850 matag player ug P650 sa second ug third entries, samtang ang age-groupers mobayad og P650 matag player ug P500 sa second ug third entries. Ang levelling gipahigayon na ug matapos karong Enero 5 sa MetroSports.
Alang sa dugang detalye, kadtong mga interesado mahimong mokontak nilang Mitch (0922-8467322), Ramil (0908-3845662), Atty. Dax (0915-7358122) o Lerma (0949-8270149). (BANAT NEWS)
- Latest
