PSC: Atletang may pag-asa sa Rio Games ang susuportahan
MANILA, Philippines – Tanging ang mga atletang malakas ang pag-asang makapaglaro sa 2016 Olympic Games ang bubuhusan ng suporta ng Philippine Sports Commission.
Ito ang sinabi ni PSC chairman Richie Garcia hinggil sa mga National Sports Associations na gustong maglahok ng atleta sa mga qualifying events para sa 28 sports na lalaruin sa 2016 Rio Olympics, nakatakda sa Aug. 5-21.
“Not because there’s a qualifying tournament means we have to send 20 athletes because we might end up throwing our money away,” wika ni Garcia.
Dapat ding kilalanin ng mga NSAs ang kanilang mga atletang may pag-asang manalo sa sasalihang qualifying meets.
“The NSAs will have to justify why these athletes are joining the qualifying tournaments. If they can prove that these athletes are qualified then the PSC comes in,” ani pa ni Garcia.
Kabuuang 11 atleta lamang ang naipadala ng bansa noong 2012 London Olympics.
Sumabak ang naturang mga national athletes sa archery, athletics, boxing, cycling, judo, shooting, swimming at weightlifting.
Tanging si boxer Mark Anthony Barriga ang umabante sa round-of-16, habang magkakasunod namang napatalsik ang 10 sa kanilang mga nilahukang events.
Ilang qualifying events naman para sa 2016 Rio Olypics ay kasalukuyan nang idinadaos.
Ang mga ito ay sa karatedo at archery kasunod ang boxing.
- Latest
