Lawaan-3 mopahigayon og Basketball Referees Seminar

CEBU, Philippines -  Ang Barangay Lawaan-3 sa dakbayan sa Talisay gitakdang mopahigayon og basketball  referees seminar  karong Sabado ug Domingo (Marso 14-15) diha sa Lawaan-3 Sports Complex.
Ang duha ka adlaw nga seminar  sugdan sa alas-8 sa buntag hangtod sa alas-4 sa  hapon.
Sa adlaw’ng Sabado sa alas-8 sa buntag himuon ang theory sa rules sa officiating hangtod na kini sa alas-11 sa buntag. Inig ala-1:30 hangtod sa alas-4 sa hapon tukion ang mechanics sa officiating.
Pagka  Domingo sa alas-8:30 sa buntag mao ang drill sa mga referee ug sa ala-1 sa hapon mao ang actual game diin pareperihon ang tanan nga miapil sa maong  duha ka adlaw nga seminar  nga gisuportahan ni Lawaan-3 Brgy. Capt. Delia Ybañez uban sa  iyang mga konsehales nga silang Jimmy Bartilik, Patra Barliso, Emerciana Palange, Socrates Echavez, Erick Richard Rabadon ug ang chairman sa committee on sports konsehal Bimbo Ramos.
Ang tinuyong kalihukan giabagan sab sa Cebu Basketball Referee Association (CEBRA) ubos sa ilang presidente nga si Ed Aguelo ug ni CESAFI 1997 MICAA best referee Edwin Dejacto, kinsa mao sab ang mga speakers sa maong  kalihukan.
Niadtong interesadong mosalmot, mahimong mokontak sa Lawaan barangay hall sa telepono 491-5509. Mahimo sab nga motawag o text ni  CESAFI referee ug konsehal Julius Labalan sa 09339524431.
Ang  duha ka adlaw nga referee seminar/workshop pagadumalaon nila ni CESAFI  senior referee Edwin Dejacto ug Ed Aguelo. (BANAT NEWS)