Pacquiao-M’weather fight komplikado--De La Hoya
MANILA, Philippines - Masyadong komplikado ang pagpaplantsa ng mega showdown nina Filipino world eight-division champion Manny Pacquiao at American world five-division titlist Floyd Mayweather, Jr.
Kaya naman hanggang sa ngayon ay hindi pa rin ito matuluy-tuloy.
“I’ve heard it for about five years. It’s very complicated,” wika ni Golden Boy Promotions chairman Oscar De La Hoya, pinasuko ni Pacquiao noong 2008.
Kamakailan ay sinabi ni Bob Arum ng Top Rank Promotions na nakikipag-usap na siya kay CBS CEO (Chief Executive Officer) Les Moonves para sa laban nina Pacquiao at Mayweather sa susunod na taon.
Ang 35-anyos na si Pacquiao (57-5-2, 38 KOs) ay nasa bakuran ng HBO, habang ang 37-anyos na si Mayweather (47-0-0, 26 KOs) ay nasa Showtime ng CBS.
Ang pagkakaroon ng magkaibang networks ang isa rin sa mga dahilan ng pagkabalam ng negosasyon para sa Pacquiao-Mayweather mega bout.
“It’s very complicated. First of all, you have one fighter (Pacquiao) with HBO, and the other (Mayweather) with Showtime,” wika ni De La Hoya. “You have sponsors, but most importanly, you have egos and egos can get in the way of making big fights happen.”
Noong 2010 ay pumayag na ang Golden Boy na makipagtulungan sa Top Rank para gawin ang naturang laban, ngunit hindi pumayag si Pacquiao na sumailalim sa isang Olympic-style random blood at drug testing.
Sa pagpayag ngayon ng Sarangani Congressman na dumaan sa naturang proseso ay si Mayweather naman ang tumatanggi sa laban.
- Latest
