3 ka NBA players gipamulta tungod sa pagduwa'g "exhibition game"

CEBU, Philippines - Diay artikulo nga angay panaminan sa mga magduduwa sa Cebu Schools Athletic Foundation Inc. (CESAFI).
 Kun dunay silot ang mga NBA players, mahimo usab silotan ang  CESAFI players sa higayon nga makalapas sila sa balaud sa liga.
 Dunay kalainan sa gitawag og "letter of the law" ug sa "spirit of the law."
 Ang gitawag og "letter of the   law" sa NBA nagkanayon nga ang mga players dili tugotan nga  moduwa og "exhibition game"  gikan sa Hulyo 1 hangtod sa Septiyembre 15 kun walay pagtugot sa mga kadagkuan sa liga.
 Apan tulo ka players ang misupak niini dihang miduwa sila didto sa University of Washington alumni event niadtong Hunyo ug karon nag-atubang sila'g silot sa ilang binuhatan. Gipahibalo sa  NBA nga pamultahon sila'g $15,000   matag usa kanila.
 Ang nasakpang niduwa  mao silang Spencer Hawes sa Philadelphia 76ers,   Tony Wroten sa Memphis  Grizzlies ug Isaiah Thomas sa Sacramento Kings.
 Gipasiugdahan ang exhibition game ni University of Washington coach Lorenzo Romar.
 Diha usab si Brandon Roy apan wala matino kun apil ba kini sa masilotan tungod kay wala man siya moduwa tungod sa injury.
 Ang nahisgutang mga magduduwa niduwa isip "alumni."