Sakto sa Gin kings
Bagay si coach Alfrancis Chua sa Barangay Ginebra San Miguel!
Iyan ang initial reaction ng mga fans ng Gin Kings matapos na ihayag na si Chua ang siyang magiging head coach ng Gin Kings simula sa 2012-2013 PBA Commissioner’s Cup.
Hinalinhan niya si Bethune ‘Siot’ Tanquingcen na mananatili naman bilang ‘co-head coach’ o first assisÂtant coach ng koponan.
Parang ganito din ang set-up noong nasa Gin Kings pa si Joseph Uichico na dating head coach pero giÂnawang ‘co-head coach’ ni Tanquingcen.
Well, handa naman si Chua sa kanyang tungkulin. Kasi naman ay matagal din siyang nagsilbi bilang conÂsultant ng Gin Kings. So, kabisado na rin niya ang koponang kanyang hahawakan.
Ang Barangay Ginebra San Miguel ang ikatlong koÂponang hahawakan ni Chua sa PBA. Nauna rito ay naging head coach siya ng Tanduay Rhum bago naÂlipat sa Sta. Lucia Realty.
Pero hindi siya nagtagumpay sa dalawang teams na iyon. Hindi niya naihatid sa kampeonato kapwa ang Rhummasters at Realtors.
Matapos siyang palitan ni Teodorico Fernandez III bilang coach ng Sta. Lucia ay pansamantalang nagretiro si Chua at inasikaso muna ang ilang negosyo niya.
Nagbukas din siya ng isang pub sa Banawe.
Bago kinuha ng Gin Kings, si Chua ay nagsilbi biÂlang Commissioner ng Tiong Lian Basketball tournaÂment. Naging consultant din siya ng Lyceum of the PhiÂlippines University Pirates sa NCAA.
Nang minsan nga nakaumpukan niya ang ilang kaiÂbiÂgang sportswriters noong panahong iyon, nasabi niya na buong maghapon daw na basketball ang kanyang inaasikaso. Medyo mahirap daw ‘yung paggising sa umaÂga basketall, hanggang sa gabi basketball pa rin!
Pero nasa dugo niya iyon, eh.
Kahit paano’y nagagamit ni Chua ang kanyang perÂsonalidad upang ayusin ang mga liga o koponang hawak niya. Hindi kasi puwedeng luluko-luko sa kanya ang mga coaches o players o kahit na team supporters noong Commissioner pa siya.
Kaya naman sumasang-ayon ako sa assessment ng karamihan na bagay si Chua bilang coach ng Gin Kings.
Iba kasi ang projected image ng Barangay Ginebra laÂlo noong kapanahunan pa ni Robert Jaworski, Sr. biÂlang coach.
Iba ang tikas ng team na ito, eh. Matapang, walang inuurungan, pisikal.
Kaya nga natawag na ‘never-say-die’ team ang Gin Kings.
Hindi puwedeng lalambut-lambot ang mga players.
Hindi puwedeng lalamya-lamya at basta padadaaÂnin ang kalaban. Wala itong inuurungan.
Marahil ay maibabalik ni Chua ang dating tikas ng Gin Kings. Iyon ang kailangan, eh. Ibalik ang dating personaÂlidad ng team.
Oo’t kinikilala pa rin sila bilang ‘never-say-die’ team pero kung minsan para bang hindi nahuhusto sa moniÂcker nila ang kanilang performance.
Matagal-tagal na rin namang hindi nagwawagi ng kampeonato ang Barangay Ginebra San Miguel.
Matagal na ring naghihintay ang mga fans na waÂlang sawang sumusubaybay sa paborito nilang koÂponan.
Dapat na masuklian ang mga ito.
At iyan ang nais na gawin ni Chua.
- Latest