Orange abante sa semifinals sa MCWD basketball tournament
NI Lemuel P. Maglinte - Lemuel P. Maglinte (The Philippine Star) - September 25, 2012 - 12:00am

CEBU, Philippines - Gipanitan og maayo sa Orange team ni playing coach Noel Dalina ang Red team, 92-73 aron moabante sa semifinal round sa Metro Cebu Water District (MCWD) 2012 Sportsfest basketball tournament didto sa Vicente Sotto Memorial gym sa barangay Punta Princesa, ning dakbayan.

Ang tandem nilang Army Marata ug Barry Caparas maoy daku'g nahimo sa kadaugan sa Orange.

Pirmeng naggukod ang Red sa unang duha ka kuwarter, apan milusad kini og 23-8 nga rally uban ang maayong depensa nilang Jeany Tabar ug Eping Mission aron masakmit ang labaw sa halftime, 39-37.

Nagsugod og sikit ang duwa sa third period hangtod nga nagtabla kini sa 54-all sa final period.

Mibukal pagbalik ang kainit sa Orange ug ilang gipilde sa pinuntosay ang Red, 38-19 dihang nagmangtas silang Marata ug Caparas. Si Marata miburak og 33, samtang si Caparas mibugha'g 26 puntos alang sa Orange.

Ang Red nga mao gihapon ang nag-una sa standings, gipangulohan nilang Sidney Mancao ug Gle Gako nga nagkumboya og 27 puntos, kinsa miposa og 15 ug 12 puntos.

Ang maong torneyo nahimong posible pinaagi sa paningkamot ni tournament commissioner Jude Godin.

Puntos matag USA

ORANGE (92) - Marata 33, Caparas 26, Dalena 11, Castañares 8, Nicanor 5, Ebesa 3, Nacar 2, Cabico 2, Gabato 2

RED (73) - Mission 18, Mancao 15, Gako 12, Arroz 8, Tabar 7, Logarta 6, Reyes 4, Calumpang 3 (BANAT SPORTS)

ANG RED ARMY MARATA BARRY CAPARAS CAPARAS EPING MISSION GLE GAKO JEANY TABAR JUDE GODIN MARATA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with