Arcilla, Paglalunan nakakuha duha ka lingkoranan sa finals

CEBU, Philippines - Ang top-seeded Johnny Arcilla ug Rocky Paglalunan mipukan sa tagsa-tagsa nila ka kaatbang aron pag-angkon og lingkoranan sa finals sa men's singles ug doubles sa 3rd Cebuana Lhuillier Tennis Circuit kagahapon didto sa Baseline Sports and Recreation Center.

Tumong karon ni Arcilla mao ang "back-to-back" titles sa iyang pakigharong batok ni Paglalunan sa singles final sa alas-10 sa buntag.

Si Arcilla miabante sa final round human gipilde ang iyang karibal sud na sa dugay'ng panahon nga si Patrick John Tierro, 6-4, 7-6(3).

Sama ni Arcilla, si Paglalunan miabante sab human gipilde si Rolando Ruel sa tulo ka sets, 7-6, 0-6, 6-4. (BANAT NEWS)