SMB 9-Ball title ni Bustamante babaunin niya sa Moscow

Matapos mapanatili ni Francisco Bustamante ang titulo sa katatapos na Philippine San Miguel Beer 9- Ball Open 2006 sa Casino Filipino Pagcor Theater matapos daigin si Leonardo "Dodong" Didal, 17-11, sa kapana-panabik na championship round para maisubi ang P500,000 top prize, isa na namang giyera ang sasabakan ni ‘Django.’

Susugod ang 43-year-old Tarlac cue artist mula sa Puyat Sports stable sa Moscow, Russia kasama si veteran campaigner Antonio "Nickoy" Lining para sa kauna-unahang International Pool Tour na gaganapin sa Billiards Club ng naturang bansa.

Ang first international pool tour ay magsisimula sa Oktubre 18 hanggang 21 na inorganisa ng Moscow Confederation of Billiard Sports sa tulong ng Pool Section of Russian Confederation of Billiard Sport.