Kambal plaka nasubay na sa LTO-7

CEBU, Philippines — Nasubay na sa Land Transportation Office Region 7 ang transaction sa mga sakyanan nga adunay managsamang plate numbers. Nagpaabot pa ang Land Transportation Office sa LTO-7 sa transmittal gikan sa Highway Patrol Group sanglit mao man kini ang nakasakop sa kambal sa plaka sa duha ka mga sakyanan. Hinuon aduna nay gipahigayon nga pakisusi ang LTO mahitungod niini diin nakakuha na sila ug kasayoran sa mga transaksyon sa mga sakyanan. Matud pa ni LTO-7 Director Victor Caindec, nailhan na nila ang naghupot sa tinuod nga plaka ug kinsa nga plaka ang naka clone. Niadtong nakalabay nga semana nidangop sa HPG ang nanag-iya sa susamang sakyanan nga adunay managsama nga plaka.

Si Caindec, niawhag sa mga mamalitay og sakyanan ilabi na kadtong dili mga brand new nga magmatngon. Kinahanglan makig-alayon usab sa proseso sa highway patrol group ug ang pag subscribe sa mga tawo sa private motor vehicle inspection system. (BANATNEWS)