Nakit-an apan gitapin-an

Nadiskobrihan karon sa Commission on Audit (COA) ang perte ka mahal nga laptops nga gipalit sa Department of Education nga mikantidad og P2.4 bilyones nga entry level nga laptops. Gawas nga mahal, karaan pa g'yud ang processors hinungdan nga hinay kaayong gamiton alang sa online nga pagkat-on. Kining maong mga laptops gipalit panahon sa administrasyon ni Presidente Rodrigo Roa Duterte.

Ang Procurement Service sa Department of Budget and Management (PS-DBM) mipasalig nga ilang himoan og makuting imbestigasyon ang presyo ug teknikal nga ispisipikasyon sa   dili na nato bag-o ang mga gipaburot nga presyo sa mga gipamalit sa administrasyong Duterte nga miagi sa PS-DBM nga nahimong sentro sa skandalo tungod sa multibillion peso nga personal protective equipment or PPEs lakip na ang gipaburot nga face shields sa pagsugod sa COVID-19 pandemic. Gawas niini ang COA nakadiskobre usab og P1.38 ka bilyon nga PPEs nga gipalit sa PS-DBM nga rehistrado sa Food and Drug Administrasyon.

Sa dihang mibuto ang eskandalo sa gipaburot nga presyo sa PPEs nga kasagaran gipalit sa dili ilado nga Pharmally Pharmaceutical Corporation pipila ka mga magbabalaud ang misugyot sa pagbungkag sa PS-DBM. Tungod sa kanunay nga pagpanalipod ni Presidente Rodrigo Roa Duterte sa pagpamalit nga gihimo sa gobiyerno wala gyod mapatuman ang pagbungkag sa nahisgotang opisina.

Ang Republic Act 9184 o Government Procurement  Reform Act nga napalabang niadtong tuig 2003 miagi na og daghang kausaban alang sa pagpatuman niini apan wala gyod gihapon kini makatapak sa buslot sa nahisgotang balaud.

Si Bise Presidente Sara Duterte Carpio kinsa nagsilbi usab nga Sekretaryo sa Departamento sa Edukasyon igo lamang miingon nga natubag na ang giingong gipaburot nga presyo sa laptop. Ang wala masayri sa Sekretarya mao nga ang finding sa COA mao ang tubag sa tubag sa DepEd. Hinaut nga ning bag-ong administrasyon wala nay pamaliton nga ang presyo paburoton ug kun aduna man dili unta kini tapin-an.

* * *

Happy birthday sa ako father (Gerardo Sr.) nga nagsaulog sa iyang ika 74 ka tuig nga adlaw'ng natawhan karong adlawa. Gikan nako, ni Nora ug mga apo Jheremy, Jerald, Honey Viv, Hennah ug Hannah.