Madayon gyud!

CEBU, Philippines —  Mahinayon na gyud ang panagpares puhon nila ni Marian Rivera ug Gabby Concepcion sa GMA7. Ang tsika mao nga sila maoy magkauban sa teleserye nga 'Against All Odds'.

Malakip sab niini sila si Max Collins, Kiray Celis, Raphael Landicho, Josh Ford, Caitlyn Stave, ug Gabby Eigenmann. Isalida kini karong tuiga. Unang giplano ang ilang panagpares sa "First Yaya", apan wala nahinayon gumikan sa mga kakulian.

Walay interesado

Kalit nga nagparamdam si Willie Revillame kagahapon aron ipahibawo nga hapit na matud pa mobalik sa telebisyon ang iyang variety show nga Wowowin human kini nag-goodbye sa AllTV. Apan negatibo ang reaksyon sa netizens. May niingon nga mas maayo nga sa AllTV ra gihapon siya kay wala nay interesado motan-aw niya.

Kada adlaw timbang

"Mayroon akong naging jowa na pinag-we-weighing scale ako almost every day just to check if I was heavier," rebelasyon kana ni Bea Alonzo sa vlog interview ni Mariel Rodriguez nga nakapangangha sa nauwahi. Gibutyag sab sa kapuso actress sa maong interview nga may ex-boyfriend siya nga iyang gibuwagan sa iyang birthday. "Hindi ko alam biglang, 'surprise!' tapos kaka-break ko lang sa kanya. Inisip ko kasi makikipag-break ako sa birthday ko tapos hindi siya magagalit sa 'kin kasi birthday ko."

Officially, Kapatid...

“Eat Bulaga” gihapon ang titulo nga gamiton sa TVJ ug uban pang co-host sa ila nang hingpit nga paglugwa sa TV5 sunod buwan. Kini sigon mismo ni kanhi senador Tito Sotto ngadto sa PEP.

Kasamtangan nga adunay legal nga mga lakang ang habig sa TVJ ug Tape Inc.—producer sa Eat Bulaga sa GMA7—pagtino kinsa gyud ang adunay katungod paggamit sa maong titulo.

Natino sab sa PEP nga ang noontime slot maoy okupahon sa “Eat Bulaga-TVJ” sa higayon nga mulugwa na sila sa TV5 karong Hulyo.

Ang nikatap nga tsika sa wala pa hingpit nga gipahibawo sa MediaQuest Holdings, Inc. kagahapon nga Kapatid na ang TVJ ug ilang mga co-host, mao nga kutob sa June 30, 2023 na lang ang kontrata sa It’s Showtime sa TV5.

Daan na sab nigawas ang tsika nga adunay mga negosasyon karon aron padayon gihapon nga makita sa TV5 ang It’s Showtime apan sa hapon na nga timeslot o delayed telecast. Ang gihugon-hugon mao nga himuong pre-program sa Frontline—ang banner newscast sa TV5—ang It’s Showtime.

MediaQuest Holdings, Inc.

Ang kontrata sa TVJ dili sa TV5, kundili sa MediaQuest gyud mismo nga maoy nagdumala sa Kapatid Network.

Ang MediaQuest usa ka media conglomerate nga adunay daghang media outlets nga gidumala, ug ang chairman mao ang banggiitang negosyante nga si Manny V. Panglinan o mas naila isip MVP.

Buot pasabot niini, ang TVJ ug mga kaubanan mohimo og mga content ug ang ilang producer mao ang MediaQuest, busa dili kay sa TV5 ra sila makita, kundili sa tanan nga media platform nga gipanag-iya sa nahisgutang media conglomerate depende sa panginahanglanon.

Kapatid

"I'm happy that Tito, Vic, and Joey will now call TV5 their home," nagkanayon si Mediaquest President and CEO Jane Basas kagahapon sa buntag.

Suma sab sa official statement sa MediaQuest, dako niining dungog nga ang mga haligi sa entertainment industry sa nasud nisanong nga makigtambayayong nila aron paghatud og labing nindot nga pasundayag ngadto sa matag panimalay sa pamilyang Pilipino.

Reasksyon sab ni Tito niini: "We are thankful to our friends at Mediaquest for this fresh start.

"Dahil sa ating mga Dabarkads na naging Kapatid, tuloy pa rin ang tuwa't saya na aming dala."

Versus

Nagpaibog sa iyang tan si 2015 Miss Universe Pia Wurtzbach. Caption niya niining maong hulagway nga ni ani og 336k hearts sa Instagram sulod sa pito ka oras: I stan my tan.

Samtang ang kapuso aktres nga si Kim Domingo, nagpahayahay sa Singapore. Walay caption kining maong hulagway sa Istagram niya apan makita nga kuha kini didto sa Marina Bay Sands Hotel.