“Totoy Mola” remake

I-remake sa Viva Films ang pelikulang nagpasikat kang Jay Manalo kaniadto. Kini mao ang “Totoy Mola.” Ang  sexy actor nga si Benz Sanggalang maoy mobida niini.  Suma pa niya, nakugang siya nga niya gihatag sa Viva ang maong classic movie. Sexy-comedy kini, busa todo palami na si Benz sa iyang lawas ilabi na nga sunod bulan na ang shooting nila.  Gitan-aw sab niya ang maong pelikula isip tipik sa iyang pangandam. Matud niya, nakasabot siya nga ang Totoy Mola maoy tawag sa mga lalaki nga dagko’g bunal. January 1, 1997 gisalida ang maong pelikula kaniadto.

Dili magdugay

Gipadayag sa award-winning actress nga ibalewala ra niya ang mga young stars nga dili motagad niya ug mga walay pamatasan. Maghilom ra matud pa siya kun makaengkwentro siya og ingon niini.  Apan sa iyang hunahuna, mamulong matud pa siya nga magkanayon: tan-awon nato kun magdugay ba. May nasinati matud pa siya nga ingon niini kaniadto.  Pagsulod niya sa tent, nag-istorya ang mga young stars, wala motagad ug kalit nibalhin sa bed. Daw gipadayag niini nga sila maoy nakapwesto sa bed. Pwes, wala na karon sa showbiz ang maong mga young stars.

Dili kompetensya

Dili karibal ang pagtan-aw ni Kim Chiu ug sa uban pang host sa It’s Showtime sa Eat Bulaga.   "Wala naman kaming franchise, di naman sila kalaban. May prangkisa sila. Pare-parehas lang na ang gusto namin ay maghatid ng saya," ni Kim pa. Namahayag siya niini taliwala sa pagbiya sa tanang host sa maong noontime show sa nilabay nga semana, hinungdan nga may mga niingon nga wala na gyuy ka kumpitensya ang It’s Showtime.

Magpakasal na

Sa ilang labing bag-ong vlog, gibutyag ni Gregg Homan ang ilang plano ni Angelica Panganiban nga magpakasal. Gibutyag sab ni Angelica nga kaduha na na-postpone ang ilang plano nga magpakasal na, ug panghinaot niya nga mahinayon na gyud kini. Aduna na silay cute baby girl, si Amila Sabine.