Sabotahe?

Gisabotahe matud pa si Miss Charm First runner-up Annabelle McDonnell sa nahisgutan nga pageant. Kini pinaagi sa pagguba sa iyang evening gown nga iyang gigamit sa preliminary competition tulo ka adlaw sa wala pa ang coronation niadtong February 16, didto sa Vietnam. Matud niya sa iyang homecoming sa Iligan City niadtong March 13, pagsul-ob niya sa iyang gown, nabatyagan gyud niya nga adunay nausab niini. Naningkamot gyud matud pa ang iyang team nga mohaom gyud niya ang maong gown, apan dihang iya nang gisul-ob dili na gyud mao. Apan nahukman nga dili na lamang siya mopagawas og official statement kabahin sa maong hitabo sa tinguha nga panalipdan niya ang organisasyon nga buot niyang alagaran sulod sa usa ka tuig. Ang pambato sa Brazil nga si Luma Russo maoy na rayna, ug second runner-up ang kandidata sa Indonesia nga si Olivia Tan.

Dili na unta mag-artista

Mu-undang na gyud diay unta sa showbiz si David Licauco sa wala pa gitanyag ngadto niya ang nga role Fidel sa Maria Clarra at Ibarra nga nakapasikat kaniya og maayo karon kauban si Barbie Forteza. Kay matud pa niya ug sa iyang manager, wala na kaayoy kisaw ang iyang career ug tinguha na lamang niya nga magnegosyo. Bisan ang role nga Fidel buot unta nilang balibaran kay gusto sila og lead role. Gipasabot sila nga second lead man tuod ang iyang role pero aduna kini twist ug naa ra kang David unsaon niya pagduwa ang maong role. Karon nga labihan ka sikat sa loveteam nga Filay nila ni Barbie, nakaamgo si David nga maong ania siya sa showbiz kay misyon niya nga makahitag og inspirasyon ngadto sa mga kabatan-onan.