NBA mohatag bag-ong awards
CEBU, Philippines — Ang NBA motunol og dugang mga pasidungog ning 2021-22 season.
Kini mao ang conference Finals MVP nga ihatag sa labing unang higayon sa kasaysayan sa liga.
Og ilang gipahinungod ang bag-ong mga awards sa duha ka NBA legends nga sila si Magic Johnson sa Los Angeles Lakers ug Larry Bird sa Boston Celtics.
Ang Western Conference MVP maoy mobira sa Earvin "Magic" Johnson Trophy samtang ang Eastern Conference MVP ang mosakmit sa Larry Bird Trophy.
"I'm truly honored to have my name memorialized on the Western Conference Finals MVP Trophy," matud pa ni Johnson. "This player excels on both ends of the court, makes his teammates better and leads his team to the greatest stage in basketball."
Susama sab ang sentimento ni Bird.
"I'm very honored to have my name associated with the NBA's Eastern Conference Finals MVP Trophy," dason pa ni Bird.
Sila si Bird ug Johnson maoy labing init nga managkaribal sa NBA niadtong 1980s. Nahimo silang sumbanan sa istilo sa duwa sa NBA ning modernong panahon.
- Latest
