Pantaserye ang project

CEBU, Philippines — Si Rabiya Matteo ang giingong leading lady ni Bong Revilla sa second season sa Agimat ng Agila, ang pantaserye sa senador matag Sabado sa GMA7. Mao kini ang unang proyekto ni Rabiya isip kapuso.

Madayon gyud

Madugang gyud matud pa sa cast sa FPJ's: Ang Probinsyano, si Megastar Sharon Cuneta. Sunod bulan kini pormal nga ipahibawo pinaagi sa usa ka presscon. Kun mahitabo kini, mao kini ang labing unang teleserye ni Sharon sa iyang career. Kasagaran variety show ug sitcom ang iyang mga proyekto sa telebisyon kaniadto.

Trabaho, trabaho, trabaho

Gitubag ni Sunshine Cruz ang usa ka basher nga nihingan niya og nawong og kwarta human nabalita nga nibalik siya sa GMA7 diin may himuon siya nga afternoon mini-series, ug molugwa sab siya sa Wish Ko Lang. Depensa ni Sunshine, single mother siya nga nagsuporta og tulo ka mga anak busa moadto siya kun hain adunay oportunidad. Freelance artist siya, dugang pa niya. Gani, gitakda siya nga molugwa sab sa Niña Niño sa TV5 sanglit may special participation siya sa maong teleserye ni Maja Salvador. Katapusang nakita sa ABS-CBN si Sunshine pinaagi sa teleserye nga Bagong Umaga.

Dili isyu ang huboay

BL movie diay ang "Sisid" nga ubos sa direksyon sa award-winning nga si Brillante Mendoza. Labihan ka init ang love scene sa mga bida niini nga sila si Paolo Gumabao ug Vince Rillon nga kasamtangang nag-shooting sa Pola, Oriental Mindoro. Ug wala mabalaka si Mendoza sa mamahimong reaksyon sa publiko niini, ilabi na nga international film festivals ang ilang target. "From the start naman, hindi namin ginawang isyu yung nudity. That’s part of the film. That’s part of the storytelling. Kumbaga, ayoko siyang gawing issue pag gumawa ako ng pelikula. Dito lang naman talaga tayo nagkaroon ng issue na may nudity, kailangang mag-frontal."

Ayaw ko'g sun-a

Giangkon sa Sugbuanong si Sunshine Guimary nga nabalaka siya nga makita sa iyang mga pag-umangkon ang iyang sexy movies karon nga artista na siya. Iya matud pa nga gipasaligan ang iyang pamilya nga dili niya sila idamay kun ugaling makabaton siya og bad publicity. "Kasi yung mga bata, hindi natin mapipigilan pagdating sa cell phone. Takot akong makita nila yung mga ginagawa ko. Sabi ko, 'Huwag niyo akong tularan.'Hindi ko masabi nang direkta sa kanila, pero deep inside me, pumapasok sila sa isip ko kapag lumalabas na yung mga trailer ng pelikula ko." Usa sa mga bida si Sunshine sa Viva Films movie "House Tour".

"Grow up"

Gipikhan ni Kylie Padilla ang beteranang showbiz columnist nga si Cristy Fermin pinaagi sa usa ka facebook post nga gidelete ra pud niya.

Nasayran nga sa programa ni Fermin, namahayag matud pa kini nga niadtong nag-ipon pa ang magtiayong si Kylie ug Aljur Abrenica, kanunay may ka istorya sa telepono ang nahauna nga maabtan pa og kadlawon.

Nakaabot kang Kylie ang maong istorya, hinungdan nga nagpost kini'g pasidaan kang Fermin pinaagi sa iyang FB page.

Niya pa, “Hi Cristy Fermin. Alam ko kung sino source mo. Wag nyong hintayin magsalita ako tungkol sainyo. Nagtitimpi ako para sa mga anak ko."

Tambag pa ni Kylie, “Tignan nyo mga mali nyo sa sarili nyo bago kayo manghusga ng ibang tao. Ano bang makukuha nyo sa pag sisira sakin? GROW UP. Ang tatanda nyo na."

Matud sa aktres kun ugaling mangdaot man niya, angayan nga siguruhon nga husto ang impormasyon.

“At sana kung sisiraan nyo ako totoo mga pinagsasabi nyo. Mahiya naman kayo sa mga sarili nyo."

Samtang sa IG post ni Kylie kagahapon, nag-upload siya og hulagway niya kauban ang duha nila ka mga anak ni Aljur.

Caption niya:  I have all I could ever want already.  Para sa lahat ng mga nag aalala sakin. I'm really ok (praying emoji). Masaya ako and I will protect my happiness. No matter what.