Kawhi hihingi ng mas malaking kontrata
LOS ANGELES — Posibleng pumasok si Kawhi Leonard sa free agency matapos tanggihan ang $36 million player option ng Clippers para sa susunod na season.
Ngunit inaasahang muling pipirma ng bagong kontrata ang 30-anyos na star forward para patuloy na isuot ang uniporme ng Clippers.
Maaaring makipag-usap ang kampo ni Leonard sa Clippers para humingi ng $39.3 million one-year deal o para sa mas mahabang four-year contract na nagkakahalaga ng $176 milyon.
Nagkaroon si Leonard ng torn ACL sa kainitan ng Western Conference semifinals series ng Clippers at Utah Jazz.
Sinibak ng Clippers ang Jazz para labanan ang Phoenix Suns sa conference finals na wala si Leonard.
- Latest