LA Lakers nirapido ang Brooklyn Nets
NEW YORK - Humakot si center Andre Drummond ng 20 points at 11 rebounds habang may 19 markers si Dennis Schroder para sa 126-101 pagrapido ng nagdedepensang Los Angeles Lakers sa Brooklyn Nets.
Hindi naglaro para sa Lakers (33-20) sina superstars LeBron James (right ankle sprain) at Anthony Davis (right calf strain) at wala sa line-up ng Nets (36-17) si James Harden (strained right hamstring).
Hawak ang 66-62 abante, nasibak sa laro ang nagkagiriang sina Schroder ng Lakers at Nets star guard Kyrie Irving sa 9:41 minuto ng third quarter.
Matapos ang nasabing ejections ay nagpakawala ang Los Angeles ng 15-2 atake para ibaon ang Brooklyn sa 88-71.
Sa Salt Lake City, dumiretso ang Utah Jazz (40-13) sa kanilang franchise-record home winning streak na 24 games nang kunin ang 128-112 panalo sa Sacramento Kings (22-31).
Humugot si Donovan Mitchell ng 14 sa kanyang season-high 42 points sa fourth period para banderahan ang Jazz laban sa Kings.
Sa Oklahoma City, tumipa si center Joel Embiid ng 27 points sa 117-93 paggupo ng Philadelphia 76ers (36-17) sa Thunder (20-33).
Sa Phoenix, kumamada si Devin Booker ng 27 points para banderahan ang Suns (37-15) sa 134-106 pagsunog sa Washington Wizards (19-33).
Sa San Francisco, umiskor si Stephen Curry ng 23 sa kanyang 38 points sa third quarter para igiya ang Golden State Warriors (25-28) sa 125-109 panalo sa Houston Rockets (14-39).
- Latest