Leonard, Shamet itinakas ang Clippers vs Mavs
DALLAS -- Humataw si star forward Kawhi Leonard ng 36 points habang nagsalpak si Landry Shamet ng dalawang mahalagang three-pointers sa dulo ng fourth quarter para akayin ang Los Angeles Clippers sa 110-107 paglusot sa Mavericks.
Ito ang ikaapat na sunod na ratsada ng Los Angeles at tinapos ang four-game winning streak ng Dallas.
Ang triple ni Shamet ang nagbigay sa Clippers ng 100-98 abante sa huling 2:48 minuto ng fourth period kasunod ang dalawang free throws ni Montrezl Harrell para iwanan ang Mavericks sa 102-98.
Muling kumonekta ng tres si Shamet para sa seven-point lead ng Los Angeles.
Tumapos siya na may 18 points.
“We just kind of found a way to win,” wika ni Shamet. “We’d loved to keep that lead the whole game, but that’s not how it’s going to be. It’s a long season. We got to find different ways how to win like we did tonight.”
Pinamunuan naman ni star guard Luca Doncic ang Dallas mula sa kanyang 36 points, 10 rebounds at 9 assists. Umiskor siya ng 24 points sa second half para ilapit ang Mavericks.
Bumalik sa aksyon si forward Kristaps Porzingis matapos ang 10 laro habang nagkaroon naman si center center Dwight Powell ng right Achilles tendon injury sa first quarter.
- Latest
