Naay laing nangangkon sa yuta

Dear Atty. Divine,

Duna mi problema sa yuta. Kining yutaa napalit ni sa akong amahan gikan sa ginikanan sa akong inahan nga maoy original owners.

Wala pay titulo si lolo aning yutaa sa dihang gipalit kini ni papa. Adunay Deed of Absolute Sale nga pirmado ni lolo ug lola  ug naa say mga witness.  Naka patitulo na niini si papa ug nakapangan kini kaniya ug sa akong mama. Apan karong bag-o adunay  laing tawo nga miangkon sa maong yuta.

Ila daw napalit ang portion niini gikan sa akong lolo kaniadto apan wa silay ikapakita nga dokumento apan nagsugod na sila og occupy sa portion sa property. Unsay among buhaton? Daghang salamat.

Gina

* * *

Dear Gina,

Kun duna moy titulo nga gikuptan samtang ang lain claimant way dokumento nga ikapakita, kamo gyud and adunay katungod sa maong property. Bisan gani kun aduna pay tax declaration ang claimant sa portion nga iyang napalit, ang titulo sa imong papa maoy mo prevail kay sa tax declaration. Ang inyong buhaton karon mao ang pagpasaka og reklamo sa barangay tungod sa ilang pag-occupy sa portion sa inyong yuta.

Kun di mo ma settle sa barangay, mamahimo ninyo silang pasakaan og kaso sa korte aron mapakgang ang ilang pagpangangkon sa maong yuta. Thank you and God bless.

Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.