600 nga nakadAwat og SAP sa Oslob di kwalipikado
CEBU, Philippines — Gikwestyon sa Commission on Audit (COA) ang kapin 600 ka “ineligible beneficiaries” sa Social Amelioration Programs (SAP) sa lungsod sa Oslob.
Sa state audit report sa COA sa tuig 2020, naobserbaran niini nga adunay 656 ka tawong giingong nakadawat og SAP apan dili kwalipikado. Ang gobiyerno nakahatag kanila tanan og P3.9 milyones.
“...the distribution thereof were not substantially supported with individual pictures of recipients, making the disbursements irregular and prevented the less privileged or deserving/ indigent family of the most needed benefit,” matud sa COA.
Ang pagapud-apod sa Emergency Subsidy Program (ESP) pinaagi sa SAP ngadto sa nagkadaiyang barangays sa Oslob moabot sa ?18,522,000.00 apan nalakip na niini ang kadtong dili kwalipikadong mahatagan.
Girekomendar sa COA ngadto sa mayor, Special Disbursing Officer ug sa Municipal Social Welfare Development Officer nga mosumiter sa hulagway sa mga tawong nakadawat sa ayuda aron isuporta sa “claim” sa SAP.
“..send demand letters to the remaining 656 ineligible beneficiaries for the refund of the illegally received assistance totaling ?3,936,000.00,” dugang sa COA.
Si Mayor Jose Tumulak sa iyang bahin nagkanayon nga ang uban sa dili eligible wala nasayod nga dili sila kwalipikado.
“Ang nag endorse sa mga ngalan kay ang mga barangays. Gi-submit sa atong office ug sa DSWD… Willing man sila mobayad (refund) pero kasagaran nila wa may cash nga ingon ana ka dako… Sugod June 18 nag-issue na ta og demand letters,” matud ni Tumulak. —IBM (BANATNEWS)
- Latest
