Manghatag og tablets

CEBU, Philippines — Tungod sa kalipay ni Erich Gonzales nga niabot og one million ang subscribers sa iyang YouTube Channel,  manghatag siya og tablets sa iyang fans. Gi-post niya sa iyang Instagram account ang mechanics niini.

Mialma sa isyu

Hugtanong gihimakak ni Mark Anthony Fernandez ang taho nga matud pa nga giusik-usikan niya ang iyang nakuha  nga mana gikan sa iyang amahan nga si anhing Rudy Fernandez. Mialma usab siya sa gisulti sa iyang bashers nga matud pa walay direksyon ang iyang kinabuhi.

Simang og tubag

Pipila ka netizens ang nakabantay sa simang nga tinubagan ni Clint Bondad sa higayon nga duna sila’y pangutana niini. Nasayran nga nagpadayon si Clint sa pag-post og creepy nga mga mensahe sa Instagram.

Birthday message

Nipadangat si Robin Padilla og sweet message alang sa iyang asawa nga si Mariel Rodriguez kinsa nagsaulog sa iyang 35th birthday dili pa lang dugay.

“Hanggang sa oras na ito ay 26 pa rin ang tingin ko sa iyo. Walang nagbago kundi lalo pang gumanda dahil kumikinang ka sa iyong pagiging mabuting asawa at ina,” tipik sa mensahe ni Robin.

Wala magdali

Gibutyag ni Kryz Uy nga wala siya magdali nga mahibalik ang iyang sexy nga lawas. Suma pa niya nga nag-enjoy ra siya karon sa pag-atiman sa iyang anak.

Gipistahan dayon

Wala damha ni Michael Pacquiao nga pistahan dayon ang pagkanta niya og  “Hate” sa Wish bus. Lima ka adlaw gikan sa pag-upload niini, aduna na kini 6 million views sa YouTube. Anak si Michael sa Pambansang Kamao nga si Manny Pacquiao.

Nauyonan ang performance

Nakadawat og mga positibong feedback ang song cover video  sa anak nila ni Judy Ann Santos ug Ryan Agoncillo nga si Yohan. Gikanta niini ang Someone Like You ni Adele.

“Lucky'ng Tulong”

Dunay  bag-ong online show nga pagaubanan nila ni Luis Manzano ug Long Mejia. Ang maong show nag-ulohan og "Lucky'ng Tulong."

"Naagrabyado ka ba? Napupundi ka na ba? Pwes ito ang takbuhan ng mga feeling dehado! Reklamo mo sa buhay o sa kapitbahay — may solusyon! Ako at si Long ang aayos d'yan," suma pa ni Lucky.

DNA test

Nagpa-DNA test na ang lalaking  nagpaila nga anak siya sa aktor nga si John Regala. Kasamtangang naka-confine ang aktor sa tambalanan tungod sa sakit nga  liver cirrhosis.

Nagmahay sa iyang gibuhat

Giangkon ni Dani Barretto nga nagmahay gyud siya sa mga sayop nga desisyon sa iyang kinabuhi kaniadto. “It’s just that I had to do a lot of things for me to just realize that I’m better of doing things away,” suma pa ni Dani sa usa ka podcast.

“I Still Do” gipalanog na

Mipalanog na sa iyang latest single ang Multi-awarded singer-songwriter nga si Winset Jacot ug kini nag-ulohan og "I Still Do".

Gikatahong ubay-ubay gyud ang maka-relate sa maong awit nga naghatag usab og paglaom.

Ang  “I Still Do" ma-download sa iTunes ug Spotify. Gipalanog usab kini sa YouTube pinaagi sa Viva Records.

Glaiza nahugyaw sa parody video

Gibutyag ni Glaiza de Castro nga nahimout siya og maayo sa mga nanggawas nga parody video sa Encantadia.

“Parodivas, maraming maraming salamat sa good vibes na ipinarating n'yo sa amin. Nakakatuwa na naa-appreciate n'yo 'yung 'Encantadia,” niya pa.

Nahugyaw gyud ang aktres  gumikan kay nagsul-ob gyud kini og mga Sang'gre costume nila ni Amihan, Alena, Danaya ug Pirena.

“Nagulat ako na sobrang effort 'yung pagkakagawa ng parody nila as in. Tapos natuwa ako nu'ng pinabago nila 'yung music. Nakaka-good vibes talaga,” suma pa sa aktres sa interview niini  sa 24 Oras.

Mogawas ang pagkamaldita

Aminado si  Kylie Padilla nga kanunay gyud siya masaypan nga ngil-ad og batasan.

“I-judge niyo na ako,” suma pa sa aktres atol sa iyang Facebook Live.

Suma pa ni Kylie nga dili malikayan nga dunay mga suliran nga gisagubang sa usa ka tawo busa mogawas usahay ang pagkamaldita niini.

“May moods po ako na maldita ako.

Ang tao naman, may moods talaga. May mga pinagdadaanan, ganyan.Minsan wala kang tulog. Iniisip mo yung mga bayarin. Adulting na tayo,” niya pa.

Matud pa ni Kylie nga duna gyu’y mga sitwasyon nga dili gyud ma-kontrol.

“Minsan, hindi talaga maiiwasan, maldita ka ngayong araw. Babae pa tayo, may mga time of the month,” dugang pa niya.

Ogie mikisaw sa online world

Usa ang pangalan ni Ogie Alcasid sa gihisgotan og maayo sa social media sa miaging adlaw human siya nilugwa sa Instagram live session sa miyembro sa K-pop group nga Day6 nga si Jae.

Suma pa ni Jae nga nidayeg siya sa ka maayo ni Ogie nga gihulagway niya nga legend.

“It’s the legend himself. Your face is beautiful, Sir," suma pa sa  K-pop singer.