Oprah hindi muna nakipagsiping sa dyowa para makaiwas sa virus

May ginawang precautionary measures sa COVID-19 crisis ang Queen of Talk na si Oprah Winfrey para hindi sila magkahawaan ng kanyang longtime beau na si Stedman Graham.

Ni-reveal ng 66-year talk show host and philanthropist na sa magkahiwalay na quarantine areas sila ni Stedman noong dumating daw ito sa kanyang Chicago mansion.

Sa guesthouse daw ng mansion ni Oprah naka-stay ngayon si Stedman para maiwasan nilang magkaroon ng virus. Kailangan pa raw i-explain ni Oprah kay Stedman kung bakit kailangan nila ng social distancing.

Male cast ng DOST, sabay-sabay nagpapawis

Hindi pinalagpas ng Descendants of the Sun fans ang naging online workout ng male cast ng naturang teleserye sa pamamagitan ng Facebook Live.

Sabay-sabay ngang nag-workout sina Dingdong, Rocco Nacino, Lucho Ayala, Jon Lucas, Carlo Gonzales, Neil Ryan Sese at Ian Ignacio para maengganyo ang kanilang fans na magpapawis para physically-fit pa rin sila kahit na may ECQ (Enhanced Community Quarantine).

Puwedeng mag-workout sa garden, sa inyong living room, sa inyong bedroom at kahit saang lugar pa sa bahay basta may right amount of space.

Ginawa nga ito ng grupo para maghatid ng “hope, positivity, happiness, and inspiration during this time of CEQ in the country.”