OFWs sa South Korea ililikas - DOLE
Kapag lumala ang sitwasyon
MANILA, Philippines — Handa ang Department of Labor and Employment na ilikas ang mga overseas Filipino workers sakaling lumala ang sitwasyon sa pagkalat ng coronavirus disease (COVID-19) sa South Korea
Ayon kay Labor Secretary Silvestre Bello III, patuloy ang kanilang monitoring sa mga Filipino at sitwasyon sa SoKor kung saan tumataas ang bilang ng mga kaso ng COVID-19 doon.
Ani Bello, bagamat wala pang report na may apektadong OFWs sa SoKor, kailangan pa rin ang close monitoring at pag-iingat.
Paliwanag ni Bello, wala pang humihiling ng repatriation sa Sokor kaya wala pang plano ang gobyerno para pauwiin ang mga OFWs.
Sa kabila nito, pinayuhan ni Bello ang mga manggagawang Pinoy sa nasabing bansa na makipag-ugnayan sa pamahalaan o embahada ng SoKor hangga’t may banta ng COVID-19.
Pinaalalahanan din ng kalihim ang mga OFWs na sumunod sa mga paalala upang makaiwas sa naturang virus.
- Latest
