Magic 8 sa MMFF 2019 kompleto na!

Gianunsyo  na kagahapon ang upat ka mga pelikula nga nikompleto sa listahan sa Magic 8 sa  2019 Metro Manila Film Festival (MMFF).

Kini naglangkob sa “Mindanao (Judy Ann Santos ug  Allen Dizon), “3Pol Trobol Huli Ka Balbon” (Coco Martin, Jennylyn Mercado ug  Aiai delas Alas), “Culion” (Iza Calzado, Meryll Soriano, ug Jasmine Curtis Smith) ug “Write About Love”( Rocco Nacino ug Miles Ocampo).

Una na nga gianunsyo  niadtong Hulyo ang unang upat ka entries  sa MMFF  nga gilangkoban sa ‘Mission Unstapabol’: The Don Identity’, ‘Miracle in Cell No7’,’ Sunod’ ug ‘The Mall, The Merrier’

Samantha Lo mibalik sa Pilipinas?

Nakapangutana ang mga Pinoy nga mahiligon og indugay  kun asa  na si  Bb. Pilipinas Grand International 2019 Samantha Lo.

Nasayran nga nilarga si Samantha niadtong October  9  alang sa pagsal-ang niya sa  Miss Grand International (MGI) 2019 nga pagahimoon sa  Caracas, Venezuela. Mahitabo ang  grand coronation  karong October 25, 2019. Sukad niadto kalit lang nahilom  si Samantha ug wala na kini mohatag pa og mga update.

Apan nitumaw ang tsika nga matud pa nga nibalik si Samantha sa Pilipinas  gumikan kay matud pa wala kini kaabot sa iyang flight padulong sa Venezuela   samtang naa siya sa airport sa Paris. Matud pa nga nangita pa kini og laing flight  schedule  

Wala pa motingog ang kampo sa beauty queen kalabot sa maong taho.