Gown ni Kim gikalingawan
CEBU, Philippines – Gikalingawan sa mga netizens ang mga hulagway sa mga artista nga nitambong sa ABS-CBN Ball 2019 pinaagi sa pagmugna og nagkadaiyang memes.
Usa sa nakapaukyab nga memes mao ang hulagway ni Kim Chiu kun diin nagsul-ob kini sa beaded backless mermaid gown nga gimugna ni Benj Leguiab.
Gihimoan kini og memes nga sama sa bala sa bazooka, paper airplane, rocket, payong ,badminton shuttlecock, table napkins, bouquet, shawarma ug uban pa.
Arjo nawili sa TGD
Trending gihapon sa social media ang pagkamatay sa karakter nila ni Maricel Soriano ug Arjo Atayde sa teleserye sa ABS-CBN nga “The General’s Daughter” nga gibidahan ni Angel Locsin.
Nawili pag-ayo si Arjo sa maong teleserye busa naguol siya sa pagpanamilit sa iyang role.
“Actually sa akin di pa nagsi-sink in. Nalulungkot ako na wala nang taping, of course, nakasanayan ko siya for eight months. Just like in any other teleserye, it’s like you are losing a person in your life. That’s how I feel every time I lose a character,” saysay pa niya ngadto sa ABS-CBN News.
Maisip na niya nga pamilya ang mga kaubanan niya sa maong show ug seguradong mingawon siya nila ni Maricel , Eula Valdez ug Ryza Cenon.
Mga gown gisaway ni Ai Ai
Nipadangat sa iyang opinyon ang komedyanteng aktres nga si Ai-Ai delas Alas sa mga evening gown sa nakadaog sa Miss World Philippines 2019.
Ang coronation night nahitabo sa Smart Araneta Coliseum niadtong Domingo ,September 15, 2019.
Nag-post si Ai Ai sa Instagram kalabot sa iyang obserbasyon sa gipanul-ob sa mga mananaog sa Miss World Philippines 2019.
Gisaway sa komedyanteng aktres ang desinyo sa mga gown ilabi na ang slit niini.
“Isa lang ang hindi ako maka move on bakit parang lahat ng GOWN ng contestants may slit either sa kanan or sa kaliwa na mala catriona ( etong pic dba lahat sila labas yung hita nila ) mga 80 % ng gown ganun bakit?Iba iba naman ang designer .. basta wierd talaga,” tipik sa IG post sa aktres.
Suma pa ni Ai-Ai nga layo ra kaayo kini sa pagdala ni Miss Universe 2018 Catriona Gray sa iyang red lava gown nga dunay slit.
“Yung ibang gown tuloy parang hindi lumabas na maganda kasi d naman swak yung may slit parang ipinipilit lang lagyan — iba kasi yung kay catriona talagang swak yung dating sa kanya ...dito parang nakakalito..,”dugang post ni Ai Ai.
Nigamit si Ai-Ai og hashtags nga #sawalo6angmayslit, #nakakalitonggown, #lahatnalangmayslit, ug #pwedenamangwalanon.
Gikoronahan isip Miss World Philippines 2019 ang modelo nga si Michelle Dee, anak ni Miss International 1979 nga si Melanie Marquez.
Ang ubang mananaog mao sila si Katrina Llegado (Miss Reina Hispanoamericana Filipinas), Kelley Day (Miss Eco Philippines), Isabelle de Leon (Miss Multinational Philippines), Glyssa Perez (Miss Tourism Philippines), Vanessa Mae Walters (Miss Eco Teen Philippines), Shannon Kerver (1st Princess), ug Casie Banks (2nd Princess).
Nakadawat og mga pagsaway si Ai Ai tungod sa iyang post.Pipila sa mga kritiko ni Ai Ai ang nilenggua nga wala’ y respeto ang aktres sa mga mugna sa designers.
Labing bata nga tourism advocate
Ang kuwatro anyos nga si Scarlet Snow Belo maoy labing bata nga tourism advocate sa Pilipinas.
Sa latest Instagram post ni Scarlet, makita ang hulagway kun diin nitikang kini sa Department of Tourism (DOT) sa Makati City.
Nakighimamat si Scarlet kang Tourism Secretary Bernadette Romulo-Puyat ug sa ubang opisyales sa DOT.
“Ok Tita Berna, let’s get to work and invite ALL the peoples of the world to our Philippines (but only as visitors, ok!)?”caption pa ni Scarlet.
Aduna pu’y video si Scarlet kun diin kauban niya si Secretary Puyat sa paglenggua sa DOT slogan nga “It’s more fun in the Philippines!”
Anak si Scarlet sa celebrity doctors nga sila si Vicki Belo ug Hayden Kho Jr.
Ang Instagram account ni Scarlet adunay 3.4 million followers ug gidumala kini nila ni Dra.Vicki ug Dr. Hayden.
Trending dayon
Trending worldwide ang pilot episode sa bag-ong Kapuso series ni Alden Richards nga “The Gift” sa GMA-7.
Naglawig sa miaging gabii ang hashtag nga #TheGiftPagsubok.
Giingong nagdungan ang mga cast sa pagtan-aw sa pilot episode niini.
Gidala ni Alden ang role nga buta nga tindero sa Divisoria.
Teaser sa Carlo-Maine movie gikagubtan
Ang kuwatro anyos nga si Scarlet Snow Belo maoy labing bata nga tourism advocate sa Pilipinas.
Sa latest Instagram post ni Scarlet, makita ang hulagway kun diin nitikang kini sa Department of Tourism (DOT) sa Makati City.
Nakighimamat si Scarlet kang Tourism Secretary Bernadette Romulo-Puyat ug sa ubang opisyales sa DOT.
“Ok Tita Berna, let’s get to work and invite ALL the peoples of the world to our Philippines (but only as visitors, ok!)?”caption pa ni Scarlet.
Aduna pu’y video si Scarlet kun diin kauban niya si Secretary Puyat sa paglenggua sa DOT slogan nga “It’s more fun in the Philippines!”
Anak si Scarlet sa celebrity doctors nga sila si Vicki Belo ug Hayden Kho Jr.
Ang Instagram account ni Scarlet adunay 3.4 million followers ug gidumala kini nila ni Dra.Vicki ug Dr. Hayden.
- Latest
