Phl 5, China ubusan ng lakas
JAKARTA-- Hindi magiging madali ngunit may nakikitang pag-asa si national coach Yeng Guiao sa pagharap ngayon ng Phl Cagers sa basketball powerhouse na China sa alas-4 ng hapon (alas-5 Manila time) dahil kay Fil-Am Cleveland Cavalier Jordan Clarkson.
“China is the overwhelming favorite,” pahayag ni Guiao ukol sa kalabang palalakasin nina Zhou Qi ng Houston Rockets at Ding Yanyuhang ng Dallas Mavericks. “If we can solve the size problem, lalaban tayo hanggang huli.
Malaking tulong si Clarkson para sa koponang binubuo ng anim na core players ng Rain or Shine ngunit ayon kay Guiao, hindi kailangang iasa ng husto ang scoring kay Clarkson na nakitang magaling pumasa at may kakayahan ding dumepensa para masundan ang 96-59 panalo ng Phl Cagers kontra sa Kazakhstan noong Huwebes.
“He does not have to score points for us to win, all he need to do is to make others around him to look good,” ani Guiao. “Kasi tingin ko he can break down the defense at will. We want to run our plays still knowing that in the last six-seven seconds that you can always look for him and he can be able to bail you out.”
Ang panalo ng Nationals ang magpopormalisa ng kanilang pagpasok sa quarterfinals kung saan posibleng ang malakas ding Korea ang kanilang makakalaban. a
- Latest