1st Cebu City Cup Open Volleyball Tournament gitakda
CEBU, Philippines – Eksplosibong hinampakay ang mahitabo dinhi sa harang dakbayan sa Sugbo nunot sa pagpahigayon sa 1st Cebu City Mayor’s Cup Open Volleyball Tournament karong Mayo 6-16 diha sa University of San Carlos (USC)-Main gym.
Ang 10 ka adlaw nga torneyo nga gipaluyohan sab sa Cebu City Sports Commission (CCSC) ubos sa pagpangu ni chairman Ed Hayco ug sa Cebu Spikers Volleyball Club (CSVC) ni coach Jordan Paca.
Napulo ka teams nga gibahin sa duha ka brackets ang magkumbati sa men’s ug women’s division.
Magtige sa men’s Group A ang Iconnect-Southwestern University/Phinma, University of San Carlos, University of Cebu, Techno Hammers ug Good Harvest, samtang ang University of San Jose-Recoletos, University of Southern Philippines Foundation , Cebrus, Cebu Province ug 8x8 naglangkob sa men’s Group B.
Mag-abot sa women’s Group A ang SWU-Phinma, USPF, South Spikers, CSVC ug SC Poncas, samtang mobanat sa women’s Group B ang USJ-R, USC, UC, Mandaue ug Makati Gospel Church-New Life Christian Academy (MGC-NLCA).
Moduwa sila ubos sa single round robin format, diin ang top 2 matag grupo moabante sa crossover semifinals.
Ang mga mananaog magkumbati gilayon alang sa titulo.
Ang mga tiket sa duwa nagkantidad og P10 alang sa general admission ug P20 sa courtside.
- Latest
