Bolts dad-on ni onuaku sa finals

CEBU, Philippines – Misaad si kanhi best import Arinze Onuaku nga todo bigay ang iyang ipakita nga duwa aron  makabalik  ang Meralco Bolts sa finals sa PBA Commissioner’s Cup.

Ang kanhi Cleveland Cavaliers cager nga si Onuaku maoy import sa Meralco sa 2016 Commissioner’s Cup  diin sila miabante sa finals sa labing unang higayon.

Gipamatuod kini ni Onuaku sa dihang mirehistro siya og 30 puntos ug 19 ka rebounds sa unang daog sa Meralco batok sa Columbian Dyip niadtong Miyerkules.

Laraw ni Onuaku  nga hatagan ang Meralco sa ikaduhang daog sa dihang ilang sangkaon ang GlobalPort Batang Pier karong alas-4:30 sa hapon didto sa Smart Araneta Coliseum.

Sa main game sa alas-7 sa gabii, ang Alaska Aces ug Rain or Shine Elasto Painters mag-abot alang sa ilang opener.