Mayorya ng Metro Manila mayors, nais manatili ang GCQ

MANILA, Philippines — Mayorya ng Metro Manila mayor ang nais na manatili sa general community quarantine (GCQ) ang Kalakhang Maynila.

Ito ang inihayag ni Metro Manila Council chairman at Parañaque City mayor Edwin Olivarez.

Ayon sa kanya, ipinara­ting na nila sa regional director ng DILG ang rekomendasyon ng mga Metro mayors.

“The consensus of the mayors are, most mayors want an extended GCQ,” ayon kay Olivarez.

Ipinaliwanag pa nito na naiintidihan niya ang kahalagahan ng ekonomiya habang kasabay naman nito ang pag-aksyon para malabanan ang pagkalat ng COVID-19.

“We know how hard it is for the public, but we could not prejudice the health protocols [set by the government] to fight off COVID-19,” pahayag pa ng mayor.

Kasabay naman nito, iginiit dn ng mga local chief executives ang masa maraming localized lockdowns, na nakikitang ipinatutupad na rin ng mga alkalde sa mga nakalipas na araw.

Magkagayunman umano ang huling desisyon ay nasa Pangulong Duterte.

Habang sinusulat ang report na ito, walang pahayag ang Pangulong Duterte tungkol sa magiging quarantine status sa Metro Manila at iba pang lugar ngayong Agosto.