Pan sa Kinabuhi

Hunyo 11, 2023: SOLEMNIDAD SA CORPUS CHRISTI

Mga Pagbasa: Dt. 8;2-3,14b-16a/Sal. 147/1 Cor. 10;16-17/Jn. 6;51-58

Maayong  Balita

Ang Ginoo nihatag og pasalig nga si bisan kinsa nga mokaon sa iyang unod ug moinom sa iyang dugo ang makabaton sa kinabuhing dayon.

Kining maong pasalig nahimong sukaranan nga ang Sagrada Eyukaristiya dili lang pagkaon nga makapabaskog hinunoa, pagkaon usab nga makaluwas, tambal sa atong kalag, bawon sa atong panaw.

Kasinatian

Ning atong kapanahonan karon nahimong daw daghanan sa mga tawo ang nituo nga ang Misa usa lamang ka pakigsalo.

Apan kun buot hunahunaon ang misa ingon nga sakripisyo, usa man ka pagpadayag nga ang atong gikalawat mao man ang tinuod nga lawas ug dugo ni Jesu Kristo atong Ginoo.

Kini mao ang atong gidawat ug pinaagi sa pagdawat niini unta mamahimo kitang mahisama sa atong gikalawat.

Lihok

Sa matag panahon nga kita mosimba ato untang ihatag ang kinatibuk-an natong pagtahud sa lawas ug dugo sa atong Ginoo, Andamon nato ang atong kaugalingon pinaagi sa pagpuasa ug paghinulsol sa atong mga sala.

Pangamuyo (pagaawiton)