Sa level pa ng OSG

BILANG abogado ni Pres. Ferdinand Marcos Jr., ang Office of the Solicitor General (OSG) ang sasagot sa mga na-file  ng prosecutor sa Appeals Court ng International Criminal Court (ICC) sa kagustuhan na maimbestigahan nga ang anti-drug war noong kapanahunan ng administrasyon ni dating President Rodrigo Duterte.

Pinagdiinan ni ICC prosecutor Karim Khan na kaila­ngan nang ipagpatuloy ang naantalang imbestigasyon nito sa mga sinasabing libo-libong namamatay sa anti-drug war ni Duterte kahit na noong siya ay mayor at vice mayor pa ng Davao City bago pa maging president noong 2016 hanggang 2022.

Habang hinihintay pa ang sagot ni SolGen Menardo Guevarra sa pinakahuling 59-page na pinakabagong appeal ni Khan  sa Appellate Court ng ICC, wala pa namang natatanggap na notice si Duterte sa kinahinatnan ng kaso ng drug war nito.

Abogado nga naman si Duterte ngunit may battery of lawyers naman siyang nakaabang kung saka-sakali mang may mangyayari sa kaso sa ICC.