Trabaho vs. politika

Layo pa ang October barangay-SK elections, apan, aduna na kunoy mga barangay nga medyo misugod na’g pabukal sa ilang kaldero sa politika. Ambut unsa kini ka tinuod. Apan, diri sa amo, sa Guadalupe, wala pa may kisaw sa politika. Hinuon, tingali’g wa lang ko mahibawo.

Dili na man makalansar pag-usab si Kap Mike Gacasan, atong huwaton kinsa ang iyang ituboy nga molansar pagka-Kapitan.

Akong gitawgan si Jingjing Faelnar, atong gipangutana kon molansar ba siya, matud niya, gikapoy na siya sa politika. Hinuon, pipila niya ka higala, misugyot nga pagka-konsehal na lang, at least, mapahimuslan gihapon kuno sa  taga-barangay ang iyang serbisyo. No comment ug no commitment yet gikan ni JJ.

Anyway, subay sa direktiba ni Mayor Mike Rama, ang bag-ong gitudlo nga officer-in-charge sa Office of Barangay Affairs, si Inting Esmeña, mipahimangno sa mga opisyales sa barangay sa dili una mamolitika, samtang layo’ pa ang campaign period, ug mo-concentrate hinuon sa ilang mga trabaho.

Ang filing sa certificate of candidacy (COC) karon pang Hulyo 3 hangtud 7, ug ang campaign period gitakda sa Oktubre 19 hangtud Oktubre 28. So, layo’ pa gyud. Gidili ang pangampanya gikan sa Hulyo 8 hangtud Hulyo 28.

Apan, matud pa, galihok na ang kagaw sa politika sa pipila ka barangay. Ang uban kuno nag-finalize na sa ilang line-up. Nilgngiga no, kon tinuod man ni. Pahimangno ni Mayor Mike ngadto sa mga opisyales sa barangay, ilabina sa mga Kapitan: “Focus on job, not on polls.”

Atong kutluon kining gikan sa The Freeman, tingalig wa mo makabasa: “Rama had been calling on all barangays, regardless of political color, to do their part to make his vision of a Singapore-like Cebu City happen, as he had been emphasizing, together we can make greater things happen.”

Bitaw, sa pagkakaron, ihikling una nato ang politika. Regardless sa kolor sa politika, atong himuon nga damgo natong tanan ang tinguha sa Mayor nga ma-Singapore-like kita. Ug ato kining ma-realized kon mag-usa kita ug magtinabangay, inay nga magpunay pangitag sayop sa uban.

* * *

Maghisgot na pud ta niining tinguha pagpabanhaw ug paghimo’g mandatory ang ROTC program sa atong nasud.

Dili kalikayan nga dunay mga misupak niini, kay dinhi gud sa atong nasud, bisa’g unsay atong buhaton, bisag maayo, duna gayuy mosupak. Main reason sa ilang pagsupak, mao ang ‘hazing’ ug giingon nga mga abuso sa military niadtong pag-implementar niini, hinungdan nga na-suspenso kini. 

“The reasons why the ROTC program was suspended were because of corruption, abuse and hazing? We need to put a stop to the decadent culture and violent tradition which have long been embedded in the system,” nagkanayon si Sen. Nancy Binay.

Apan, sa iyang bahin si Sen. Bato de la Rosa nagkanayon: “The victim died because of fraternity hazing and not of ROTC training.”

Ug si Sen. Jinggoy Estrada, namahayag, “In my version of the measure, I have proposed the imposition of the maximum penalty under existing laws against hazing. Hazing is another form of bullying and therefore should never be part of any activity. It has resulted in tragic deaths even until now when we already have a law against it.”