Rep. Teves may brain damage?
Para kay dating Presidential Spokesman Harry Roque, ang nangungunang person of interest sa asasinasyon ni Negros Oriental Rep. Arnie Teves ay posibleng may “brain damage” dahil sa pagkakalulong sa shabu ng ito ay bata pa.
Naniniwala si Roque na kahit minsan lang gumamit ng ganitong droga ang tao, malamang ay mawala na sa katinuan ang takbo ng isip nito. Kaya sinabi niya na naniniwala siya sa war on drug na inilunsad noon ni Presidente Duterte na siya namang pilit inuusig ng International Criminal Court (ICC).
Nagkasama umano si Roque at Teves sa House of Representatives nang pareho pa silang mga representante at sa sarili nitong priviledge speech, inamin niya na matagal itong gumamit ng droga, ngunit tapos na raw ang kabanatang iyon sa kanyang buhay.
Narinig ko rin sa isang interview sa television si Teves na gumawa ng ganyang pag-amin. Pero sinabi niyang fully rehabilitated na siya at kanyang napatunayan na kahit ang isang talamak na adik ay maaaring magbalik sa normal.
Ngunit sabihin mang si Teves ay exceptional case ng isang dating adik na nagbalik sa normal ang isip, malamang na ang kanyang background sa pagiging dating sugapa sa shabu ay maging dahilan para lalo siyang madiin sa kasong ipinaparatang sa kanya. Tapos, nagmamatigas pa siyang huwag bumalik sa Pilipinas sa kabila ng apela ng mga kasamahan niya sa Kongreso.
Kunsabagay, siya lamang ang makapagdedesisyon para sa kanyang sarili. Sabi nga sa matandang kasabihan, “sungay mo sunong mo, buntot mo, hila mo”.
- Latest