Unya na gud nang Cha-cha

Daghan kaayo ang mga problema nga giatubang karon sa atong nasud. Ug daghan ang mga priority bills nga giduso ni Presidente BBM ngadto sa Kongreso. Apan, taliwa niining tanan, si Senador Robin Padilla, being chairperson sa Senate constitutional amendment panel, namahayag nga ilang  ipadayon ang Cha-cha, despite sa pamahayag ni BBM nga dili niya priority ang Cha-cha.

Atong kutluon kining gikan sa Philippine Star: “The president also said there are a lot of other things that need to be done instead of Cha-cha.” Tinuod. Alang nako, ang Cha-cha dili maoy sulbad sa atong mga problema karon. “There’s so many other things that we need to do first, that we can still do, we can achieve,”sumpay ni BBM.

Sa ilang bahin, ang Senado nagkanayon: “Robin can dance Cha-cha on his own but Senate to focus on Marcos’ priority bills. We would rather focus on the Marcos administration’s priority legislation which does not include charter change.”

Si Senate President Juan Miguel Zubiri nagkanayon:  “I have spoken to some senators who are not in favor of tackling charter change at this time.”

Usa kini ka divisive nga issue, ug dili buot si Zubiri nga motandog niini karon. “I think what the country needs to do now is to focus on post-pandemic recovery and reconstruction,” dugang ni Zubiri.

Dakong tuyo sa mga nagpaluyo pagduso sa Cha-cha, mao nga buot nilang paluagan ang mga restrictive economic provision sa atong Constitution, aron pagdani og dugang foreign investments nganhi sa nasud.

Alang sa maong katuyoan, kinahanglan ba gayud ang Cha-cha? Tubag sa Presidente: “The goals of those seeking to change the Constitution to allow for more foreign investments can be met without tweaking the fundamental law. We can achieve what we want, but within the present constitutional [framework,] the way the Constitution is written.”

Hunahuna ni BBM nga dili kinahanglan tandugon ang atong Constitution aron makadaki kita og dugang foreign investments. Ato kining makab-ot ubos sa present framework sa atong Constitution.    

Sa atong giingon sa unahan, daghan ug dagko ang mga problema nga atong giatubang karon. Samtang kinahanglan nga maghimo kita’g kausaban sa 1987 Constitution, apan unahon una nato ang ubang mga priorities nga mas urgent. Let Cha-cha wait.

* * *

It seems nga ma-realized ra gayud nato ang atong mga damgo nga ma-Singapore-like kita dinhi sa dakbayan sa Sugbo. 

Sa ato nang gibalik-balik dinhi, ang Singapore is clean, green, ug disciplined. Di ba ni mahimo dinhi sa ato? Di ba diay mahimo nga ang Cebu City, ikaw ug ako, ma-clean, ma-green, ug ma-disciplined?  

Ang gikinahanglan dinhi, mao ra gyud ang atong cooperation, pagbulig sa dakbayan pagpa-realized niining maong damgo. Sa laktud, ang kalampusan niining maong tinguha, ania sa atong mga kamot.

Akong giingon sa unahan nga daku ang kahigayunan nga ma-realized ra gayud nato kining maong damgo. Gawas sa mga support sa uban, karong bag-o, ang Singapore ambassador nganhi sa atong nasud, si  Gerard Ho Wei Hong, mipadayag sa iyang pagtabang ni Mayor Mike Rama pagpatuman niining maong damgo sa Mayor. 

Matud ni Hong: “The city of Cebu has a mayor who wants to bring more progress and development to the city but needs all the help.” Kon motabang si Hong, nganong dili man ta?