Atty. Triambulo, presidential appointee!— CSC official
MAHIGIT anim na buwan ding nalansi ni Atty. Alfegar Triambulo, ang Inspector General ng Internal Audit Service (IAS) ng Philippine National Police (PNP) ang gobyerno ni President Bongbong Marcos. Ito ay matapos ibunyag ni Imelda Banzon, Director ll ng Civil Service Commission (CSC) Field Office-PNP na si Triambulo ay presidential appointee. Araguuyyyyy! Masakit talaga ang katotohanan, no mga kosa? Tumpak!
Si Triambulo kasi ay patuloy na nanungkulan bilang IAS ng PNP at hindi pinansin ang MC-1 na ipinalabas ni BBM nang maupo siya sa puwesto. Ang ibig sabihin ng mga kosa ko, hindi nagsumite ng kanyang resignation letter si Triambulo tulad ng iba pang presidential appointee na sinunod ang MC-1 ni BBM. Hehehe! Kapit-tuko sa puwesto si Triambulo, no mga kosa? Dipugaaaaa! Hak hak hak! Weder-weder lang talaga.
Sumulat kasi si Atty. Leo Superio kay Banzon nitong October 4 para alamin kung ano ba talaga ang tunay na status ni Triambulo. Kinasuhan kasi si Triambulo ng sexual harrassment ng empleyado niyang si Genevieve Lipura sa Ombudsman at kung anu-ano ang lumabas na balita kung bakit hindi ito masibak-sibak sa puwesto. Iginiit ng kampo ni Triambulo na hindi siya presidential appointee ng sitahin kung bakit hindi nagsumite ng letter of resignation alinsunod sa MC-1. Kaya wasak ang alibi ng kampo ni Triambulo dahil sa sagot ni Banzon sa sulat ni Atty. Superio na may petsang November 10.
“Please be informed that Atty. Triambulo is a presidential appointee and his appointment, as well as the selection process to which he was subjected to prior to his appointment as the Inspector General of the IAS PNP lies with the sound discretion of the President of the Republic of the Philippines,” ang buod ng sulat ni Banzon. Hehehe! The truth shall prevail talaga!
Sinabi pa ni Banzon na ang CSC ay walang hurisdiksiyon kay Triambulo, kaya’t wala silang kopya ng appointment paper at ibang dokumento related sa kanyang hiring at recruitment bilang IAS PNP. Si Triambulo ay naupo sa puwesto sa panahon ni Tatay Digong. Eh di wow! Hindi alam ni Triambulo na presidential appointee pala s’ya? Araguuyyyyy!
Ang advice pa ni Banzon, ay lumapit si Atty. Superio direkta sa Office of the President, through Executive Secretary Lucas Bersamin patungkol sa kanyang katanungan kay Triambulo. Eh di wow! Hehehe! Kaya naman pala hindi makakilos si PNP chief Gen. Junaz Azurin laban kay Triambulo dahil presidential appointee ito. Mismooooo! Inaabangan ng taga-IAS ang action ng Ombudsman sa reklamo ni Lipura laban kay Triambulo. Abangan!
- Latest
