I-sakripisyo ni Mayor Mike Rama ang iyang political career

Akong tan-aw, kon mo-cooperate lang ang tanan, sama sa taga-Singapore, atong ma-realized ang maong tinguha. Sa ato nang giingon, ang Singapore clean, green, ug disciplined. Nganong dili man kini nato mahimo dinhi? Dili man tingali tantong mga gahi og ulo kitang mga Sugboanon.

So let’s do it! Ato kining programa, dili nato pasagdan si Mayor Mike nga mao ray mopalampos niining maong tinguha ug pangandoy.

Imagine unsa ka-firm ang mayor pagpatuman niining maong tinguha, sama sa paglimpiyo sa mga sapa, diin daghan ang ma-apektohan, busa, daghan ang masuko, lakip na ang iyang mga higala, ug mga dagkung negosyante.

He is bent on cleaning the city, nga matud niya: “I will not stop until the objective is achieved no matter what it takes.” Ug sa iyang pagmugna sa Mayor’s Task Force kansang tahas mao ang paglimpiyo ug pag-revive sa kasapaan, nga maoy makasulbad sa pagbaha’, ang Mayor nagkanayon: “I keep on telling my MFW (mayor’s work force)…We must be apolitical…I am not thinking of my party, or whoever, I am just thinking about the people of Cebu City, even if it means losing in the next elections.” Tiaw mo na!

So, alang kini kanato, dili sa iyang political career, dili sa iyang partido. Apolotical, sa ato pa, walay labut ang politika. Nganong dili man kini nato suportahan, inay nga mag-negative thinking kita, sa pagtuo nga dili kini mahimo. Of course, dili kini mahimo kon dili ka motabang.

Atong kutluon kining napatik sa The Freeman, just in case wala kamo makabasa:  “Rama’s adviser and former environment secretary Roy Cimatu told the ‘ground commanders’ to just slowly keep on going as long as there is some progress. Cimatu reminded the river commanders to solve the garbage problem in a particular area to avoid clogging up the waterways, continue to deepen the rivers by dredging equipment, and remove all obstructions of water that prevent the flow freely. This is to avoid flooding, if not, at least reduce the time of flooding.” Apan, si Rama sa iyang bahin, dili maghinay-hinay, kinahanglan pinaspasay gayud kutob sa mahimo. Kay kon maghinay-hinay kuno, maapsan kita sa bagyo, sa linog, ug ubang katalagman, ug sa mga tawo nga wala mo-bilib sa maong tinguha.

Padayon ni Mayor Mike: “Without fear of reprisal and without fear of losing an election…We will do it before 2025.” Hinuon, kon mahimo kini sa Mayor, in three years’ time, uban sa atong pagbulig, mao kini unya ang makapadaug kaniya sa iyang reelection bid.

Unya, so far unsa pa may nahimo? Ania: “Cimatu lauded the team for a mission accomplished over the obstruction at pier 3. After pier 3, they are also looking at clearing the one that trapped the river opening in pier 2.”

By the way, panahon ni Lee Kuan Yew, nag-conduct sila didto og national courtesy campaign (sa maayong pamatasan) “at making everyone, every Singaporean polite and friendly to each other all the time, not just to tourists.” Ato sad ning himuon dinhi, mayor.