Dili ako angayan

Pinasikad sa: Lk. 7;1-10

Ang opisyal nga Romanhon dunay sulogoon nga pinangga kaayo niya. Nasakit ug nagkinahanglan sa panabang ni Jesus.

Pinaagi sa mga kadagkoan nikuyog gyud si Jesus aron pagsanong ning maong hangyo. Apan sa dihang duol na siya, gipasugat siya sa maong opisyal. Kini tungod kaya ng maong opisyal sayod man sa boundary. Siya pagano samtang si Jesus, Judio.

Ang maong boundary maoy nakapahimo niyang aware nga dili maayo nga mosulod ang usa ka Judio sa iyang panimalay kini tungod kay giisip man sa maong opisyal nga Romanhon nga mahugaw siya alang sa mga mata sa Judio.

Bisan pa man niini wala mahanaw ang iyang pagtuo nga si Jesus makaayo sa iyang sulogoon mao nga nagkanayon siya:

“Sulti lang Ginoo ug ang Sulugoon mamaayo!” tuod man naayo gyud kini segun sa iyang gipaabot. Ang mga sinugo nakasaksi gyud niini.

Dunay utlanan kun boundary. Ang maong sistema dako kaayo og kahimoan aron pagpanalipod sa atong privacy gikan sa mga intruders nga buot manghilabot mismo sa atong personal nga kinabuhi. Sa laktod, bisan asa anaa gyud ang limitasyon.

Kinahanglang moangkon kita nga dunay mga higayon nga dili kita angayan alang sa usa ka tawo o panagtigum mao nga mas makaayo nga kita magpahilayo.

Apan anaa gihapon ang pagtuo nga bisan kun unsay mahitabo padayon gihapong makaayo ug epektibo ang atong mga pag-ampo.

Ang Ginoo usahay dili makasulod sa atong kasingkasing tungod kay kita mismo ang gihugawan man sa atong kaugalingon. Apan bisan pa man niini kun ang Ginoo na ang mosulti, kitang tanan mamaayo gayud.