Kon ang Dios na ang mopili
Pinasikad sa Mt. 10;1-7
Sa pagtawag ug pagsugo ni Jesus sa iyang mga tinun-an atong nakita kining msounod nga mga mga kamatuoran:
1. Una, silang gipangtawag ug gipangpili dili mga hingpit. Si Pedro nilimod sa atong Ginoo sa makatulo, Si Tomas madudahon, Silang Santiago ug Juan mga anak ni Sebedeo mga tawong init og ulo. Si Simon nga Patriyota usa man ka politikanhong manggugubat nga andam mopatay sa ilang mga kaaway. Si Mateo Pubic Sinner ug labaw sa tanan si Judas Iscariote ang mabudhion gyud kaayo kang Jesus. Apan bisan pa niini sila sa gihapon gipili.
2. Ikaduha, sayud si Jesus sa ilang limitasyon mao nga wala niya sila paadtoa sa mga paganong teritoryo. Hinunoa iyang gipauna ang mga nahisalaag nga mga tawo sa nasud sa Israel. Mission ad Intra una pa ang Mission Ad Extra. Charity begins at home matud pa.
3. Pagsanong sa panginahanglan pinaagi sa pag-ayo sa mga masakiton, ang paghingilin sa mga yawa.
4. Ang paghatag og paglaum pinaagi sa pagsangyaw sa maayong balita ngadto sa mga kabus.
Sayud ang Dios sa atong kahimtang ug bisan pa man sa atong kakuwangan padayon kitang gihatagan niya og kahigayonan nga makatampo sa katukoran sa iyang gingharian.
Usa ka lifetime process ang pagbag-o sa kaugalingon apan magpabiling masaligon ang Dios nga kita dunay matampo.
- Latest