Anti-turncoatism

Actually, dugay na kaayo kini nga hilisgotan, akong hinumdoman, medyo bata-bata pa ko, aduna nay mga balaudnon nga napasaka niini, apan wala gayud makaugpo, wala maka-first base both sa Senado ug sa Lower House.

Kini tungod kay nahimo na kining tradition o nabatasan na sa mga politiko ug sa halangdon natong mga magbabalaud, nga kon unsay partido sa makadaug nga presidente, kinahanglan mobalitok ang tanan ngadto sa party in power. Hangtud na pila na lang ang mahibilin sa minority party.

This is how it is in Philippine politics. Walay bili ang mga political parties. Mahimo nga, at anytime, mahimo nga imong isalikway, imong biyaan nga mao untay imong gisakyan pagdaug sa eleksiyon. 

Hinumdom ko nga sa pagkasiak sa partido ni Don Sergio, ang mibulag kaniya, mi-justify nga “my loyalty to my party ends when my loyalty to my country begins.” Kahinumdom mo niini? Tubag ni Don Sergio, nga kon magpabilin ikaw nga loyal sa imong partido, nagpasabot ba kini nga dili ikaw loyal sa country?

Bitaw no, unsa man diay ang partido nga imong gibiyaan, dili diay loyal sa country? Sa karon nga panahon, yano-yanohon lang sa atong mga politiko ang pagbalhin-balhin ug pag-ilis-ilis og partdio, sama  nga mag-ilis sila’g medyas.

Ang justification sa pag-balimbing, alang kuno sa kabulahanan, sa ilang mga constituents. Nga kon dili sila makig-alayon sa party in power, wala silay mapaabot nga mga mehoras gikan sa presidente ug sa Kongreso.

Sa America karon, sayod kamo nga ang Presidente usa ka Democrat.

Apan, walay bisan usa ka Republican ang mibalimbing aron motipon sa party in power, kay alang kang Joe Biden, presidente siya sa tanang Americanhon, ug dili alang lamang sa mga Democrats.

Nakahisgot ako niini, tungod kay sa akong pagpangokay sa daan nakong mga clippings, usa ka headline nakadani sa akong pagtagad: “Politicians who transfer parties should be unseated: Lakas executive.”

Karaan na gyud kaayo kining maong clipping, nilagom na gud ang papel,  Apan, relevant pa kini karon: “Lakas legislators elected to the next Congress will move for the approval of a bill that will arrest the flight of ‘political butterflies.’

Political butterflies kono. “Isabela Rep. Heherson Alvarez (kahinumdom mo niya), Lakas secretary general, said they are considering removal from office as a penalty for politicians who are elected to office and shift party affiliations before their term ends.”

Most probably, wala ganahi ang atong mga sakop sa Kongreso niini, for obvious reasons. Matud ni Alvarez, ang pag-balimbing, “is abandonment of office and breach of contract with the public to carry out the party’s  programs.”

Unsa man tuod kining political turncoatism? Niay gikan sa Internet: “Political Turncoatism is the act of changing party affiliation by a candidate. It is deeply imbedded in the country’s political culture as most aspiring politicians only use political parties as financial vehicles and machinery during elections.”

Si late Senator  Miriam Defensor Santiago nagkanayon:” The prohibition on turncoatism was removed in the 1986 Constitution. Today, turncoatism is very rampant and is blurring the Philippine political party system.”

Mao kaha kini ang usa sa mga hinungdan ngano nga wala gayud kita moswag as a nation?